♥平民宅夫妻的生活日誌♥

2012-10-3X < 其實大家都估到邊日啦~
我們結婚一週年啦~
不知不覺就一年
唸反起早在結婚前一年半準備買樓
每星期都陪老公睇樓
到新居裝修個陣
周圍找裝修師傅/睇材料
有時又上去睇下新居裝修進度
之後又忙睇傢俱/買家庭用品
個陣間直冇一個星期有得休息
現在唸反起已經兩年前的事了
到搞結婚D野又要睇場/訂酒席
試妝/試衫/買濕碎野好多好多
中間有煩惱/擔心
幸好最後在家人/朋友的幫忙
最後完滿咁完成了大生大事
個晚反到屋企好似仲未平息到
準備左大半年既野
一日就做哂
好空虛的feel
最後淨反的
只有腫到豬腳的雙腿
(唔好話新娘在結婚個日要爭取時間休息/食野之類,
唔係我唔想休息,
而是個日真係爆多野做,
時間好似撥快左咁,
新娘子下下比人安排下一步做咩,
係唔記得會肚餓的...)
現在一起住了一年多了
開頭冇咩有結左婚的感覺
好像同居咁
大家反到家都累了
倒頭就訓
平日就多了時間同雙方家庭相處 (上去痴餐)
假日就要自己做家務
兩人世界反而少左...
開頭同dad媽咪出街食飯各自反屋企
有幾次都好唔開心
好失落的feel
搭搭下車無端端哭了出來
個陣籌備結婚的時候
明明覺得係時候組織一個自己的家庭
現在又覺得點解個陣唔遲d先結婚
陪多d佢地呢~
好掛住dad媽咪
結婚一年了
同老公的私底下習慣都現哂形
佢知道了我鐘意夜晚煲小說 (叫極都唔訓)
我都睇慣左佢在家的麻甩look
我就成日都催佢做下家務
佢就成日都踢一下動一下
有時真係比佢激un
雖然大家有好習慣/壞習慣
但是都算相處得不錯
最多有時互相發下小脾氣
希望我們會越來越夾啦~老公~
結婚一週年
冇特別出街食慶祝
老公有很多工作要做
在家叫PIZZA就算了
不過食得好開心滿足
因為有你陪我嘛~

都結婚半年有多了
現在才介紹我所選用的囍帖好像有點遲
不過無所謂啦~
都係做個記錄啫
看到兩張一樣的囍帖
不是我排兩張一樣的出來啦
是老公今年二月有舊同學結婚
選的又是我們的款式哦~
另外一張就是老公另一個舊同學的囍帖
講反選帖的過程啦
係結婚早一年的時候
係酒樓比第二次訂金
我特登問左負責人有咩款式
影底左相慢慢選
如果唔岩心意的
就可以預早出去揾印刷公司印帖
全部都唔洗加錢
款式都幾多架

大家比我首圖呃到呢~
冇錯我係會介紹我選的禮服
不過結婚當日照片欠奉
因為我想保留少少私隱
好辛苦先揾到張影我背脊而又影到條裙的相XD
以下的相都係我試衫時影低的
不過比起現場睇真係差好遠
當有個紀錄就算了~
右邊兩件其中一件我已經落左訂
不過腰身尚有少少鬆
會係我早一日拎衫個陣即時改窄
點知落左訂過幾日有電話打比我
話我知反左件FIT我SIZE的中五福
SO我就最後確定要左邊的裙褂啦~
當日的一張相
D刺繡係咪好靚呢
間直好似3D咁XD
第一次選衫
之前睇左媽咪衫同禮服先
已經睇到我眼到花
到自己選婚紗個陣已經冇嚟神氣
選左條我唸都冇唸過會選的A LINE通花
個SALES同DAD MOTHER都好愕然
因為我一開始已經話要一層層的公主裙
但是我真係好想走人啦
是但HOLD住先啦
反到HOME附近開飯時已經成10點幾11點
轉款中-心口的花我好鐘意
不過下身想點啊
一塊塊布搭嚟搭去咁
一著上身就知道我揾的就係E條裙
一層層蛋糕咁
仲好閃閃閃架
不過睇相睇唔出XD
係公園影相個陣就唔算辛苦
因為可以用手拎起行
反而進場個陣就CAKE住CAKE住行得唔咪好順
D人仲以為我係為左就反D進場音樂而行得咁慢
個陣先發覺原來條裙真係有成幾斤重...
講到禮服我就指定要找我鐘意的顏色
我要橙色!!
橙紅都可以的啦~
SALES們翻箱倒櫃咁揾
我真係個任性的新娘子
好辛苦揾到條粉紅橙
又係暗閃的~
但是試上身就...好似大肚婆...
SO我冇選到LU
迎賓-冇唸過選紫色架
好似好多人都選紫色禮服
我有揾到我LIKE的橙色禮服著上身
不過效果都係紫色襯得我靚D同皮膚白D
又係閃閃蛋糕裙
敬酒-紅色好喜慶仲有有暗閃(個人一動就有D金色閃出嚟)
奶奶同2姑奶都覺得我著得好靚
又著得我好瘦(其實我根本就UN支支)
不過我唔LIKE A LINE款-冇選
桃紅色才是我的菜
仲係蛋糕裙加拖尾哦
敬酒時會好麻煩架
辛苦姊妹們了
不過其實敬酒個陣都冇人敢行埋我身
可能驚踩甩我條裙掛XD
送客的香檳色禮服
係我除了褂之外一早就決定好的衫
由第一次到轉款個陣都冇換過
亦都因為E件我先JOIN左PACKAGE租埋其他衫
結果當日一致大獲好評
不過都係因為睇相
所以難表達佢的閃爍同層層拖尾~
以上就係我結婚當日著的禮服啦
件件都好鐘意
好唔捨得去還衫哦

昨日3/6媽咪生日哦
今日3/7就DAD生日
所以每年的3月都係破費月
剛過去的星期日已經出街食飯慶祝

我早幾日已經訂左兩個蛋糕
等昨日拎反娘家切蛋糕
因為DAD要成10點幾先放工反到HOME
所以我就唸住不如係娘家訓一晚
切完媽咪個蛋糕
過左12點就再切DAD個個
放工反娘家7點前已經可以到達
沖埋涼都係7點3咋(d時間超好用)
食埋飯(男家個邊因為裝寬頻so老公要去坐陣)
媽咪就玩電腦
我就玩i pod仔
細佬係房玩電腦
大家係度等埋dad反home食蛋糕
雖然冇咩交流但是感覺真係唔錯啊
得閒就打比老公問佢裝寬頻搞成點
到dad反到home
啊媽已經拿拿淋係雪櫃拎兩個蛋糕
仲鬼屎咁快就插哂蠟燭tim
其實我想過12點先食dad個個架
見佢地咁猴急就算啦
佢地急到唔插個生日牌吹熄左支蠟燭
原來mini cake附送支刀係細d個喎
THEN分開蛋糕四份
每個蛋糕每人食四分一
真係飽到上心口XD
臨訓時再打電話比老公
叫佢LIKE我POST上FB的蛋糕相
仲問佢整寬頻好未
佢話已經ok了
不過自己仲set緊個無線上網
都咁夜了我就叫佢唔好反新屋啦
係男家訓埋啦
再甜言蜜語左一陣我就去訓 lu
本來係娘家出發上班係可以遲d先出門口
不過我特登早d起床陪dad mother食早餐
反工的時候就不停同老公sms
好似反到去未嫁個陣
回娘家訓左一晚
好似成個人叉左電咁
心情又輕鬆左好多
真係唸下間唔中反去訓反晚解下思親之愁

花車我想揾的時候
首先係唸用銀

淨反7個月咋~
好快啊就到大日子,大部份野都book左啦~
酒席
禮服
婚禮攝影

終於傾好所有野,由現在起計1個半月後就可以拎成品了

之前已經揾左邊度整燙金貼紙,講話收貨個陣先比$,同埋上網都幾多人揾佢做,見到原來彩色貼紙仲平喎~
不過我又未選會係咩顏色的帖,透明燙金的貼紙就咩色都襯到,janice佢覆mail好快,兩日間來往幾次討論size同設計~
我join的今期order預計4月頭截單, 4月尾有貨,好期待哦~

決定好油畫,所有版畫同相簿封面LU~
仲終於比左人睇修改好的相呢~

今日已經收到相簿排版,我要做的就是排好次序同睇下D特別效果O唔OK,點知比我發現有兩張相有穿幫,而我又漏左叫佢地修改(因為我掛住睇個樣有冇野執,冇留意其他野),好彩跟單個個人好好人,叫我即刻話佢知,等設計師快D改左佢,唔係做緊相簿個陣就太遲了~
希望今次佢唔係當我係第3次修改啦,到時就知會唔會收多我$了