♥平民宅夫妻的生活日誌♥

下山後反到酒店LOBBY
可以CHECK IN了
由於龍平滑雪度假村在市郊
房間都寬敞D

我們一反到房就開暖氣同攤定D榻榻米
等今晚可以倒頭就訓

房間的落地窗對出是一堆雪行近少少都覺得寒啊
稍事收拾後就出發去浸溫泉啦~

龍平 Peak Island 溫泉水上樂園位於我們下榻的酒店旁邊
步行去五分鐘就到了

入面不方便拍照
替大家影下水上樂園的平面圖~
簡單介紹一下

1/F 是入口大堂
入場一人會派一隻膠手帶連鎖匙

首先在LOCKER鎖上自己的鞋子

再去櫃台為手帶增值 (最低增值額為 WON $10000)
用作場內消費之用
如果大家入場會玩汗蒸幕 每位 WON $7000
或者大吃大喝的話就入定多D錢先
費時玩玩下唔夠錢用要換反便服去大堂增值
用唔哂的WON可以在離開水上樂園時全數退回
不收任何手續費
但是又唔洗位位都入錢既
好似我同老公會一齊玩/走來走去
就入WON去其中一位的手帶就可以了

2/F 更衣室/私人物品LOCKER及光脫脫的溫泉區
冇特別間開地方做更衣室
韓妞大多大刺刺地LOCKER前搽LOTION / 更衣
奶奶同姑奶們唔慣赤裸浸溫泉
我樂得自己去浸 (我仲浸得自在)
仲有浸氣壓按摩池,焗桑拿等...
水溫39-45度不等

3/F 水上樂園及戶外溫泉區
帶備的泳衣係就FOR這裡穿的
室內水上樂園有滑梯,人造沙灘
最岩小孩子玩樂
水溫大約十幾廿度到
不過我就冇咩興趣
捉左老公去小食亭買熱狗食WON $3700
之後出左玻璃門浸戶外露天溫泉
只穿著泳衣行走在負十幾度的氣溫當中
雖然沿路搭左條臨時帳蓬通到各露天溫泉 (有發熱燈照住條路)
不過一D用都冇
仲要地下的水珠凍到結左冰,勁吉腳
多個特別療效的溫泉/桑拿房
好正斗,勁有風味~
其中一個溫泉好得意
仲有間BAR在溫泉中間
可以叫些小食坐在水入面D石桌/椅享用
浸到咁上下要上水個下真係要好大勇氣
凍到媽媽聲

4/F 汗蒸幕及美容部
有各項收費美容按摩服務可供選擇
不過我淨係掛住浸溫泉都用哂D時間LU
趕快洗澡,吹乾頭髮就出去集合了
毛巾,風筒,面紙,棉花棒一應俱全
只要換回便服就可以兩手空空的反酒店了~