♥平民宅夫妻的生活日誌♥

今日冲無端端話去睇下介子喎,我仲記得幾個月前我問佢幾時買,佢仲想下年先買,費事早買到時唔ARM帶

唸住今日睇下D款既啫,睇下睇下,個SALES行埋嚟話入面仲多,叫我入去睇下,見佢唔HARD SALE 就入去睇下啦~

我咩都唔識,我問左個SALES好多野啊,e.g. 介子由甚麼金屬造成既呢/交換介子個日帶邊隻手...

選左相好耐啦,成日睇完又睇,三心兩意,不過最後決定好哂,今日TICK起心肝覆反攝影公司去執相同入冊,唔知幾時睇得排版呢,好緊張啊~

影完相返嚟,公司好多野做,但是個心都好似怪怪的,好似有D失落,係咪其他人影完相都係咁架?

仲有法國一輯,不過我又驚影得太好會大出血...

好矛盾...

原來係我化緊妝行嚟行去的男仔,就係攝影師同助手,好後生喎~

開始影都係佢叫我們做咩就做咩,唔知好唔好睇架~

影完室內就出去食飯,再去公園影

今日是我同冲的22個月紀念日,亦是我地影婚紗相的大日子

昨日訓得唔好啊,錄嚟錄去訓唔著,冲又係度錄嚟錄去,不過係訓得好淋咁錄囉,迷迷糊糊訓著左,鬧鐘就嘈了(6:00AM)

要7:30AM到攝影公司,我上網睇過有人遲到會搞到影唔切相~

我同媽咪食完早餐,買埋餸,就返屋企拎行李出發北上了(12:30PM)

我冇同媽咪講我係去照結婚相,不過我早幾日已經不停咁執野入行李箱了

仲的起心肝去整好個花球,其實之前已經插好花架啦,不過未整好D葉啫~

個風打唔成啊,不過我好驚因為咁而落大雨,一日CHECK天氣幾次,心情緊張...

PK啦,我剛剛想試下砵仔糕+束身內衣的效果,點知整爛左個扣啊~

好彩早兩日心血來潮去買埋束身內衣,如果唔係去影相個陣爛左個砵仔糕,就咩都做唔到啦~

昨晚我又發惡夢啦~

今次係話我早一個月BOOK左邊日影婚照,點知冲冲BOSS個日有野要冲做,冲就同我講不如改期,我一時受唔住打擊就係咁喊,個日係我地22個月紀念日,改左就冇左個意義,而且我地為左早D開始影,仲係攝影公司附近BOOK左酒店訓一晚,冲為左安慰我,仲話買野送比我,但係BOOKING係7月訂的,我真係等左好耐先等到,E+一下子要改期,真是好傷心~

真實環境中,我冇哭,不過因為感到哀傷得制而嚇醒左~

昨日發左個惡夢,夢到我結婚個日,出門,迎賓都好順利,但是去到入席個時,d菜式貨不對辦,令到我dad好失望,嚇到我醒左,希望唔好成真啊~

昨天臨訓的時候,忽然有個預感,我的中學同學mandy會早過我出嫁,仲會雙囍臨門呢~唔知準唔準呢,不過唔好同佢講,唔係佢實罵爆我

今日午飯時記得就打電話比蘇師傅,話比佢聽已經定左邊一日擺酒,佢話遲少少計好其他日子覆反我~

點知放工返到屋企佢就打比我啦,話已經計好哂,有時間就去拎喎,估唔到咁快喎,搞到我呆呆地,唔識得點應佢...

確實日子,預訂了酒席,有個明確日期,做起事來都事半功倍~

睇左咁多個場,都係富臨個個最好,長形廳,樓下就有車站,18圍就可以包場,全層只得一間酒樓,所以可以話係包全層,地下有3部電梯直達,唔洗等好耐LIFT,我去到再揾廖小姐,我都驚佢唔休做,同埋認得我既話,就會唔比多D優惠我,不過我都想今日訂好酒席(除非今日D場冇個好,同埋價錢貴到要返屋企考慮下)

佢真是認得我,仲話:我地個場真係好好架,好多人揾我地架~

我:可以睇下新娘房嗎?

咁辛苦去到始創,唔好蝕去埋黃府睇場,我們想擺酒個日已經比別人BOOK了呢,不過我都想睇下個台係點樣先,全店色系以白色和紫色為主,剛剛有人擺酒,就開始進場,佢地仲安排我地企係後面睇,不過睇左一陣,我們都唔好意思同埋有D累,所以我們話走先了,佢地有位同事就安排我地坐低,簡單介紹他們的酒席內容,不過現在睇的價錢就只是2010年,我問如果2011年價錢係幾多,佢就話每圍大約會比今年的酒席貴300左右,如果我地快D落訂,就會比返今年的菜單價錢唔會加價

第三間去睇場的,是在始創的帝黃庭,佢地冇分店的架,得獨屎一間,冲就唔係咁鐘意啦,不過去睇左場先啦,由旺角近油麻地行去太子,好辛苦啊,好彩我有帶毛巾仔,可以抹下面,唔係我塊面天痕到爆

去到始創,揾LIFT都揾左一陣,原來地下D LIFT上唔到樓酒,要搭扶手電梯上一樓,再搭LIFT上去,先頭都知始創有采福集團,原來除左仲有海港同黃府都有分店喎~

上到去見到好多人等位食飯,白色系,宮廷FEEL,好多西人油畫係走廊,要20圍先包到場

第一間去睇場的係滔米集團雅蘭中心3/F&4/F,早前電話查詢就叫我前上4/F睇場同找有關同事,點知去到,又叫我落返3/F,問派晚飯飛的人,就叫我行入去找人,入到去D侍應行嚟行去好忙,終於有個叫佢而又應我的人,我問佢我想擺的日子有期嗎?

佢就話得返一個場,佢帶我睇的係3/F最出的場,新娘房擺左好多月餅存貨係度,而且好近叫咪同LIFT口,好嘈,樓底亦唔算特別高,包場要18圍.

我:如果我15/16圍,咁出面會點架,比我擺RECEPTION?

第二間去睇的係富林集團創興店,LIFT都好快就有,不過好大陣打邊邊味,出到去我就揾打電話個陣,留左個姓比我的廖小姐

佢就唔多野講,我問佢都會答,而且唔會唔耐煩,剛剛個日有人擺酒,睇唔到新娘房,不過睇平面圖就覺得都OK既,佢就話18圍就可以包場同埋個層只係得佢地一間酒樓~

跟住我都閃啦,因為仲有一間要睇,係始創的,有排行去啊~

第一次打電話去酒樓,詢問一下我心目中第一首選的日期有沒有期...

第一間是明星(油麻地)

打去問就即刻話有期,不過我話上網找不到平面圖,可唔可以fax比我,佢地效率好快即刻fax比我,不過個場就咁睇圖都覺得好三尖八角咁~

今日上網搜集資料看到有人買了鬆弛熊花車公仔,我才想要準備花車裝飾.