♥平民宅夫妻的生活日誌♥

睇左咁多個場,都係富臨個個最好,長形廳,樓下就有車站,18圍就可以包場,全層只得一間酒樓,所以可以話係包全層,地下有3部電梯直達,唔洗等好耐LIFT,我去到再揾廖小姐,我都驚佢唔休做,同埋認得我既話,就會唔比多D優惠我,不過我都想今日訂好酒席(除非今日D場冇個好,同埋價錢貴到要返屋企考慮下)

佢真是認得我,仲話:我地個場真係好好架,好多人揾我地架~

我:可以睇下新娘房嗎?

跟住佢就帶我去睇下新娘房的位置,不過唔入得去,因為今日有人擺酒...

我講我想訂下年的酒席,廖小姐就叫人執左一張台同倒了茶比我地座低傾,我已經上網揾了資料,PRINT左兩頁紙的問題問佢,佢都好有耐性解釋,同埋會送d咩,我想睇的佢都會揾比我,之後佢仲話下個月結婚展佢地有擺booth,如果係個度訂,仲可以多一堆coupon,但是我話驚到時冇左我想要個日,佢就話現在比現金hold住個期,到時係婚展比返現金我,我地先正式落訂就可以有coupon送啦~

我問哂個兩頁紙的時候都已經成10點幾了,佢hold期一定要收現金,所以冲就下樓去(咁)錢

廖小姐趁個陣同我講:你老公幾靚仔喎~

個下我都唔知點應佢,我:唔好意思啊~問左你咁多野~

佢:唔緊要通常D細節野都係女仔先會留意,男仔淨係識比錢,但是邊會個個儲定錢結婚喎,酒席好大開支架~

我:係啊,幫到佢SAVE幾多得幾多,問清楚邊D有邊D冇,應洗則洗嘛~

最後冲返嚟比左現金HOLD期,跟住我地都走啦,返到HOME好夜啦~

返到屋企樓下巴士站好肚餓,好想買車仔麵食,冲唔比我食啊~我問點解,佢話就結婚啦,減肥啦~

佢自己要減肥,點解連我都唔食得野喎~

同埋已經11點幾了,我不用佢送我上樓了,我送返佢去巴士站算了~