♥平民宅夫妻的生活日誌♥

今日是我同冲的22個月紀念日,亦是我地影婚紗相的大日子

昨日訓得唔好啊,錄嚟錄去訓唔著,冲又係度錄嚟錄去,不過係訓得好淋咁錄囉,迷迷糊糊訓著左,鬧鐘就嘈了(6:00AM)

要7:30AM到攝影公司,我上網睇過有人遲到會搞到影唔切相~

所以我都準時去到,點知未有人開門喎~

等左5-10分鐘,有人返啦,原來佢就係化妝師,佢叫燕子,入到去我就化妝先啦,因為我皮膚乾得制,用左兩支安瓶呢~

仲有我對眼化左好耐,因為我是單眼皮,而且眼皮脂肪多,眼睫毛成日都往下墜,燕子幫我貼了5對假眼睫毛呢~

而冲啊,佢等到傻左,不過我同佢講左我會化好耐架啦,而且我都交代佢,要穿的禮服再改一下款式,昨日選了四套禮服:白色,白色燕尾,灰色,黑色西裝背心...

我一開始就想好要冲要黑,白,灰禮服各一再加黑色西裝背心

曉紅係咁講我有兩套白色婚紗,男仔有兩套白色禮服就OK了,但是我覺得白色燕尾其實同白色禮服差唔多,燕尾又唔突出~

所以我要冲係我化妝的時候要求試套黑色禮服,OK的就黑,白,灰禮服加黑色西裝背心

試左出嚟OK喎,即刻轉囉,白色禮服同白色燕尾我就唸都唔唸幫佢選左白色禮服因為有閃石係西裝領架~

終於化完妝仲要整頭,不過燕子佢唔係好識聽廣東話,我又唔識講國語,都係有D九唔搭八...

整好哂都成十點,跟住到冲化,五分鐘都唔知有冇,GEL埋頭TIM啊~