♥平民宅夫妻的生活日誌♥

第二間去睇的係富林集團創興店,LIFT都好快就有,不過好大陣打邊邊味,出到去我就揾打電話個陣,留左個姓比我的廖小姐

佢就唔多野講,我問佢都會答,而且唔會唔耐煩,剛剛個日有人擺酒,睇唔到新娘房,不過睇平面圖就覺得都OK既,佢就話18圍就可以包場同埋個層只係得佢地一間酒樓~

跟住我都閃啦,因為仲有一間要睇,係始創的,有排行去啊~

第一次打電話去酒樓,詢問一下我心目中第一首選的日期有沒有期...

第一間是明星(油麻地)

打去問就即刻話有期,不過我話上網找不到平面圖,可唔可以fax比我,佢地效率好快即刻fax比我,不過個場就咁睇圖都覺得好三尖八角咁~

今日上網搜集資料看到有人買了鬆弛熊花車公仔,我才想要準備花車裝飾.

上網找了很多資料,有幾位網友都推介有位在黃大仙的師傅擇日幾好,雖然通勝未出,但是紙紥舖的大姐說可以買日曆看到日子好與否,和通勝是一樣的,所以今日下午我和冲就一起到黃大仙找師傅擇日.

師傅姓蘇,他問了我們想要擺酒的月份,我們及雙方父母的時辰八字,不想要的日子,就話會在我們想擺酒的月份裡,盡力揾夾我們日子話比我們聽,仲話夜少少就可以電話通知我了~

夜晚返到家裡一會兒,師傅就打電話給我,給了八個夾我和冲的好日子,新舊曆都提供了給我,仲話等我訂了酒席,再覆佢邊一日擺酒,就會幫我計埋其他日子,例如過大禮,上頭,出門的好時辰~

今日是農曆七夕,我在上班的時候收到一束有11朵玫瑰花的花束,好靚哦~

上面附有卡片,係冲冲送比我的,原來佢今日請了假,嚟陪我呢,我搭了一個站馬鐵出去食LUNCH,之後冲就去游水,等埋我放工再去食DINNER~

食左RUDY TUESDAY 之後冲仲話不如去睇下中央公園會唔會有七夕花燈睇~

之前同孖寶睇的單位好多都賣出左了,淨下這個23H,個心好唔舒服,咁多個單位淨返E個會唔會有問題架,佢係鑽石廚房,廳同細房向東北,主人房向西,冲DAD MOTHER都唔LIKE西斜,不過已經冇放盤了,唔知點算好,唯有睇多次單位有冇問題先啦~

主人房個窗改成衣櫃,就算打開個櫃,個窗都貼住野,睇唔到個VIEW

冲爬上去睇廁所假天花,佢話好似有D疑似水漬,再睇浴缸維修門,個門係主人房的門後面,見到邊邊都甩灰,仲有DD濕濕地呢

今日安排了雙方家長見面,

原先選了去葵芳滔米飲茶,

不過他們星期日唔可以訂位,

之後中X師奶冇揾過我地再睇樓,SO我就上網揾下美X分行的電話,問下有冇樓睇,我打去幫冲留電話

今日有兩個經紀SERVE我地,我地心目中叫佢地美X孖寶,因為佢地成日都一唱一和同係咁迫我地出價,跟住今日睇左3個單位,分別係:

3座23H-左右樓景,旁邊望大馬路,主人房窗望泳池向西,封左做衣櫃

繼上次去了小型地產公司找樓盤,留了電話但是冇回應,我們今日就行遠少少揾d大行問下啦~好驚啊,mememomo企左係利+閣門口,就有經紀出嚟問我地對咩樓盤有興趣同budget,最後佢都係留左冲電話,話遲d同業主約到時間睇樓打比我們

好驚啊,未試過架,平時買3就話想睇就入去間shop啫,想睇樓真係唔知有咩步驟,跟住我們掛住驚行得快得制,過左隔離美x,發現的時候過左兩個舖位,企左係中x門口,死就死啦,沖左入去問有冇樓睇

個經紀問我地有冇鎖定屋苑,我們為左分散佢注意力,所以話冇,大約範圍的屋苑都有興趣,而我們心目中的屋苑有間吉屋可以即刻上去睇,所以我們就跟住佢去啦,佢行得好快,但是個look一d都唔似經紀,著對墨頭拖鞋,踢下踢下咁,so我地心入面叫佢中x師奶