♥平民宅夫妻的生活日誌♥

今日冲無端端話去睇下介子喎,我仲記得幾個月前我問佢幾時買,佢仲想下年先買,費事早買到時唔ARM帶

唸住今日睇下D款既啫,睇下睇下,個SALES行埋嚟話入面仲多,叫我入去睇下,見佢唔HARD SALE 就入去睇下啦~

我咩都唔識,我問左個SALES好多野啊,e.g. 介子由甚麼金屬造成既呢/交換介子個日帶邊隻手...

選左相好耐啦,成日睇完又睇,三心兩意,不過最後決定好哂,今日TICK起心肝覆反攝影公司去執相同入冊,唔知幾時睇得排版呢,好緊張啊~

決定了師傅,就用冲姐夫介紹的師傅,先頭唸住早D比KEY佢,等佢地可以早D開工,點知師傅話佢11月中先開工,13/11先去新屋交KEY同整裝修証,之後仲可以一齊出旺角買牆紙...

臨時師傅下午唔得閒,出唔到去買牆紙,仲問我可以9:00AM約係新屋...

好啦9點就9點,又係倒屎咁早出去...(仲早過反工起身)

影完相返嚟,公司好多野做,但是個心都好似怪怪的,好似有D失落,係咪其他人影完相都係咁架?

仲有法國一輯,不過我又驚影得太好會大出血...

好矛盾...

原來係我化緊妝行嚟行去的男仔,就係攝影師同助手,好後生喎~

開始影都係佢叫我們做咩就做咩,唔知好唔好睇架~

影完室內就出去食飯,再去公園影

今日是我同冲的22個月紀念日,亦是我地影婚紗相的大日子

昨日訓得唔好啊,錄嚟錄去訓唔著,冲又係度錄嚟錄去,不過係訓得好淋咁錄囉,迷迷糊糊訓著左,鬧鐘就嘈了(6:00AM)

要7:30AM到攝影公司,我上網睇過有人遲到會搞到影唔切相~

我同媽咪食完早餐,買埋餸,就返屋企拎行李出發北上了(12:30PM)

我冇同媽咪講我係去照結婚相,不過我早幾日已經不停咁執野入行李箱了

仲的起心肝去整好個花球,其實之前已經插好花架啦,不過未整好D葉啫~

今日倒塔咁早入去元朗(7:00起身),因為約左師傅去新屋做裝修報價~

第一位係冲的姐夫介紹-王師傅 9:00

第二位係同事的準夫婿-梁先生 11:00

PK啦,我剛剛想試下砵仔糕+束身內衣的效果,點知整爛左個扣啊~

好彩早兩日心血來潮去買埋束身內衣,如果唔係去影相個陣爛左個砵仔糕,就咩都做唔到啦~