♥平民宅夫妻的生活日誌♥

冇食早餐
去到屯門陪老公拎左回鄉證就揾野食啦~
見到有間餐廳冇人就閃入去坐低LU
原來係食泰國野既

裝修唔錯啊
都幾現代下

午飯時段點解都唔多台客既?
唔通...

老公點的香葉辣椒豬肉碎炒飯 $40
好香哦~
香葉,肉碎,豆角仲有魚露一起炒的飯
口感不錯
點知食食下越食越辣
原來入面仲有切成粒的青辣椒
好似豆角的樣子
好辣啊~~~~
不過好好食
要一路飲住野一路食唔停口

老公仲係咁加D泰式調味料去食
痴線架...

我點的泰式肉碎雞絲金邊粉 $35
這個就比炒飯失色左D啦~
冇咁野味
碗子不大份量剛好夠我食啦~
套餐跟冷熱飲品一杯
我同老公都叫左凍檸茶
大啖大啖咁飲~
天氣真係好熱啊
另外套餐再加$12就可以享用泰式甜品三件
有三款選
就每樣一件啦~

椰汁西米糕,椰汁千層糕,芝麻糯米糍
細心地替我們切開了芝麻糯米糍
唔知邊一忽有芝麻呢?

綠色的糯米軟糍包裹著豆蓉
表面曬上去皮綠豆碎,砂糖及椰絲
好香哦,入口軟淋淋又有野咬下

椰汁千層糕
千層糕味道有D淡
表面淋上一層椰漿
增加椰香及甜味
整體出乎意料之外的好味
下次可以再ENCORE