我的名字你的姓氏 @ ♥平民宅夫妻的生活日誌♥

結左婚做左人老婆
比人叫李太了
不過好似周街好多人姓李咁...
老公話:你想點啊?
我:冇乜點啦,邊有得改姓架~
直至...
近排迷上了看TVB J2台的CITY HUNTER 城市獵人
開頭都冇唸住睇架
有次睇左少少

原來男主角幾靚仔架
唔單止高大
眼神都交到D戲架
我唸配音都有影響啦~
比到人好斯心,細心的FEEL
我仲叫媽咪記得去睇套劇TIM
點知啊媽話佢上年都已經上網睇左啦~

剛好男主角的戲內外的名都係姓李
終於比我唸到老公姓李的好處啦
到時我D仔女可以改個韓風的名
幾好喎
男主角叫李允成/盛
我問老公我第時個仔改這個名字好唔好?
佢一下子就否決左啦~
唔制啊~
我一定要"怨"到佢肯先至得

當然唔係得男主角ok先會令我追劇既~
劇本都寫得唔錯
好會拖長嚟做
亦唔係D無線劇咁
實比你估到的情節