♥平民宅夫妻的生活日誌♥

2012-10-25

又一個月過去
我同老公的某某紀念日
唸住食下好野
二人世界一番
點知老公提議食m記/kfc
真係想一巴打飛佢
佢已經成日lunch time背住我去食麥記
e+連我的晚餐都要染指
好耐冇食豉椒炒蜆
老公又唔鐘意去大排檔食
咁就不如去大圍的沙田強記雞粥食啦~
七點(食飯時間)去到都仲有好多位
佢地有兩個舖位,都坐唔夠三成滿(有古怪)
我們有兩位
但是有細枱都唔比我們
要我們去搭大枱(包括我們,有三pair人)
最遲入坐的我們仲要坐路口位
老公個面口都好似有d唔多like
馳名的乳鴿(我唔太想食油膩野)
和雞粥都冇叫(老公唔鐘意食,因為覺得係d白切雞和白粥底撈勻就算)
快手點了四樣野
等左一陣就好快上哂台

豉油王炒麵
新鮮熱辣炒好上枱
九菜,芽菜分量剛剛好
最好食係e味了

西檸雞
雞皮點粉炸至乾身
雞油都冇哂(感覺冇咁罪惡感)
雞肉唔會乾爭爭
不過又唔會有肉汁囉
用料只是冷凍雞扒炸成的
份量不多可以話係茶餐廳西檸雞飯走飯的款...

豉椒炒蜆
一食就知pk了
好明顯係烚左d蜆再同d豉椒炒兩下就算
一d都唔入味
我唔介意佢烚左先再炒
但是唔好炒到d汁都唔勻囉(d蜆係完全冇點到d汁,白雪雪咁的!!)
咁我不如去食撈撈撈好過了~
起碼仲有味過佢

葡汁燴四蔬
又係白烚左d菜就撈兩下d汁就算
d汁都唔熱的
唔該起碼d水都掠乾d啊
微暖葡汁中間有攤由d菜浸出來的水
沖淡哂成碟菜的味

e幾日公司都好多野做
冇心機拍照存底(又冇帶到相機)
專心食野好了
好彩真係冇花心思去影底
食完之後真係覺得以後唔洗再去食
以前間唔中都有同dad媽咪去食晚飯
d水準都ok的
大枱都開到成行成市
由落單到走人我們都只是用了50分鐘(快過平時我食午餐)
走時都係八點鬆d(黃金時段)
間野都坐唔滿人
已經係老字號
仲要自己打爛自己個招牌
再係咁冇人幫襯啦~