close


2012-10-22
這個是秘密行動
上年柴娃娃一行人去食大閘蟹
大家食得很過癮呢~
可惜今年有人唔適合食大閘蟹
佢非常忍唔到口
我們再經唔起佢暈低的驚嚇
所以我們在佢面前提都唔敢提
而我就秘密地聯同同事(D)去吃大閘蟹啦~
我們今次是到海港城分店用餐
原本BOOK左8:30PM 因為會有八折優惠
不過放工出到尖沙咀肚餓都咕咕聲
唔理咁多踩上去問下有冇位
有位就唔等到8:30PM啦~

登登~
去到有好多位啊~
咁就立即入座
點左大閘蟹餐2位 (我們叫最平個款)
每位都要盛惠$365 (肉赤)
套餐包括: 前菜,湯羹,菜餚及甜品
江蘇大閘蟹
(每位三隻,兩皇一后大蟹)

每人一份的食蟹工具
左起) 手套 挑蟹肉的棒子 尖頭交剪

飲品可選廿年花彫皇/橙汁
我都唔飲酒既橙汁好了
同事(D)點了花彫
你們睇下杯花彫細杯 (呵~)
仲有每一人碟的鎮江醋用來點蟹/小籠包吃~

前菜上枱啦~
左) 芝麻海白菜
好似食日本野的中華沙律咁
不過係厚切
芝麻+麻油很香很開胃
右) 翡翠珍珠脆
豆角炒珍珠蚌
豆角爽甜
珍珠蚌連XO醬炒起
有點少辣,不過一樣很開胃


第一隻蟹上枱啦~
好鬼熱啊...



是公來的
睇下蟹下身係尖的蓋就分別到啦~
好耐冇食過
拆蟹時有D生梳...

蟹粉小籠湯包
皮薄,夾起點D醋的時候
就整穿左啦 > < (所以趕住食,冇影相啦)
好彩冇流哂出來
仲有好多湯汁在裡面
雖然入面橙色咁
不過蟹味不重
隔離枱食貴貴餐的客人
見到我們個餐有得食小籠包
他們又另外點了一客
每粒要成$30架

第二隻蟹又來啦~
都是公來的
示範一下拆大閘蟹 (為左影相,現在我是單手拆的)

NEW起蟹公下的尖型蓋 (尖是公,圓就是母)
拍斷佢

反轉蟹身
在PATPAT位插交剪/筷子入去

有附助之下挈開蟹蓋
看到嗎,係咪好易呢~
唔洗好大力
我ED公主手都輕易就打得開~
趁熱可以食蟹蓋入面的蟹膏啦~
之後將蟹身兩旁軟軟的東東NEW走 (是蟹的內臟,唔好食啊)

用手對折蟹身/交剪剪開
就可以食蟹身入面的膏啦~
多餘的時間
就可以一路吹水一路食下蟹腳同蟹鉗的肉
用交剪剪開蟹腳關節
挑蟹肉的棒子吉出蟹棒肉 (不過唔好預期好似食壽司個D蟹棒咁大LOOK啦)
非常簡單呢~
不過我懶得制
拆左幾條就收工LU~

侍應見我們拆都咁上下
就會拎埋下一隻蟹給我們享用
包補唔洗等又唔怕大閘蟹攤凍左
最後一隻大閘蟹是蟹母

圓形的蟹蓋
同頭先一樣手法的拆開



等我NEW開蟹蓋裡邊的蟹膏給大家看下
好多膏啊~~~~~~~~~~~~~

我和同事(D)都覺得大閘蟹公好食D
因為D膏係杰達達
入口醬住哂口腔
好滿足的FEEL
而大閘蟹母D膏就實的的
一粒粒咁
好似煮熟的咸蛋黃咁
不過口味ED各人喜好啦~

飄香臘味飯
上年臨尾先上的臘味糯米飯
記得當時大家都飽到上心口
為左唔浪費點都食啖啦
點知食開有條路
個個都忍唔到口
雖然睇落好似好油
其實唔係架
如果唔係點知飽到嘔咁制都食多碗喎~
我唔識點形容
總知會食到欲罷不能啦 XD

松露炒帶子
松露醬炒翠玉瓜+帶子
松露醬的味道好似蘑菇醬咁...
很多粒帶子呢
不過我已經差不多飽LU
食多幾粒翠玉瓜清下腸胃好了

蟹粉蝦仁羹
等左好耐先上枱
個時其實我都好飽了
不過點都飲少少啦
粉橙色好靚的樣子
不過飲落冇咩蟹粉味
好似平時去飲個陣的魚翅湯羹咁
材料比得一D都唔輸蝕
好多蝦仁啊~
糖水咋喳
食甜品係會有另一個胃的
好滿足
抵我爆肥左咁多

海港城分店服務都唔錯
比起上次去彌敦道分店清靜好多
座位又大又寬敞 (茶錢都貴過人,每位要幾十蚊架!!)
上大閘蟹的時間計得幾好
不過小菜同湯羹就催左幾次先上到
計埋茶芥+加一要成$4XX落樓好貴啊~~~

P.S.
今年唔食得大閘蟹的某人
見到E篇背叛文
一定好抑鬱 XD
等你下年食得個時
我一定陪你食反架~
arrow
arrow
    全站熱搜

    eunice 發表在 痞客邦 留言(0) 人氣()

    E-mail轉寄