♥平民宅夫妻的生活日誌♥

老公預早上網check in

我們搭tube到機場就推住行李去退稅櫃位

無咩人排隊

而且預先有工作人員替我們分好單

一交到櫃位交比櫃台職員

問我們退去信用卡戶口/退現金

我們選現金

就即刻在櫃台付款給我們啦~

(可以選港元/英磅,

不過通常個rate都不太好,

所以我們選左要英磅,

零錢可以入左閘用來買東西都不錯啊~)

真係超方便呢~

**我們上次在歐洲旅行最後在德國離境做退稅

回到香港都等左幾耐下先收到 (仲要老公send mail去問)

所以今次就退現金啦

唯一唔好的就係要收手續費囉~

不過就唔洗怕退去信用卡戶口

途中張退稅單遺失而收唔反錢

唔介意等下的

都可以在機場的郵筒寄退稅單子

仲以為退稅需時

五分鐘都唔洗就搞掂哂

預早左好多時間去機場…

早知shopping多一個鐘啦 > <

在英航櫃位寄埋行李之後

唯有入禁區亂亂逛啦~

都有幾多野睇架

Fortnum & Mason 專門店

Harrods 商店

仲有多間便利店

比我找到這個牌子的薄荷朱古力

有皇家認証架~

味道真係不錯的說

我仲在Harrods的紀念品店買了個匙扣呢~

好貴氣的熊bear bear

超暴發仲好墜手tim~

來到倫敦咁多日

估到唔臨到上機先睇到倫敦的黃昏

**最後唔知點解上埋機起飛

都無人check我們本passport

幫我們在上面打反個出境日期

只是開頭check左登機證就放左我們入禁區

我們係咪正常出境架…

英航的飛機餐都不錯

甜酸雞球配炒飯

除了個碗不知明的沙律...

奶油焗通粉&朱古力慕士杯 (有流心梨子蓉)

宵夜是正常SIZE的杯麵

好過國泰好多啦~

上次食左3個先夠飽啊陰公...

延伸閱讀--德國 (回程 法蘭克福機場) 2012年9月

食埋早餐就差唔多落機啦~

倫敦的遊記寫得差不多啦

仲有咩想知道的歡迎提問