期待已久 ♦ 收樓日 @ ♥平民宅夫妻的生活日誌♥

其實新居係2010年買的
然後到上年結婚後入住
都大大話話住左5個月
現在才post反收樓的事
我都真係幾hea
講反睇樓先
我們之前睇左好多次樓
都係大部分睇反現在住的屋苑
因為老公(個陣係bf

)鐘意一出大門口就有巴士站返工
睇到差不多冇哂盤(一係比人買左一係坐向唔適合)
同埋美聯經紀太有壓迫感同hard sales
所以我試下去留電話比其他地產公司
中原同利嘉閣
中原有個後生仔帶左我去睇又係東北的單位
仲衰係5/F嚟的
對上的廿幾三十樓我都睇過啦
我唔好買高層D...
終於有個單位係向東南
之前睇左大大話話十幾個盤(同一個屋苑睇十幾個盤都幾誇張)
美聯都比唔到我地想要的東南方單位比我地睇
比埋d東北/向西北單位我地
但係低處未算低
竟然係3/F
冇境觀可言
因為玻璃窗出門係平台
望到的不是屋苑平台公園
而是CLUBHOUSE頂
不過業主真係好可愛
好明顯睇得出佢好鐘意自己間屋
佢仲話佢最鐘意由個窗爬出去平台洗下屋企所有窗
唔怕跌落樓...

最後仲睇左個我地好鐘意的單位
廿幾樓的東南面
不過叫得有d貴
應該唔ok了
而利嘉閣經紀都覆電話比我
手頭上有兩個盤
兩個都係向東南
不過座數唔同
嘩東南啊
好想去睇~
其中一個未約到
睇左一個先
係頭先好鐘意的單位的下幾層
十幾樓到
我地睇完已經話想出價啦
利嘉閣經紀見我地咁爽快(梗係啦,睇左咁多間我地都知哂咩價係ok架啦)
個價又係市價
就即刻截的士車帶我地去分行
簽睇樓書,臨時買賣合約
同埋我老公比定張訂金支票以示誠意(睇左咁多間終於有間出動到用chq book)
等個經紀去說服賣家簽約
其實個心都好不安架
買左好驚個單位有問題
買唔到又好失望
因為已經冇咩盤睇了
最後講好價臨門業主仲話要加多十幾k