昨日辛苦地迫入一田百貨
二樓的星巴克都咁多人既
原來一田特價佢都有做PROMOTION
買一送一哦
唔掛得知啦
明明位都唔多架
做咩排左幾2/30人的隊呢
而我想買的太陽傘
睇唔岩
入唔到手
仲比強國夫婦試傘的時候插左幾下
留左幾個字都找不到合眼緣的傘
就從二樓閃人了
原本都唸住唔入超市
在毫無戰利品之下
就硬逼入去睇下有冇野買啦
睇到單張有熟凍蟹賣
唔係好貴咋
如果仲有買隻反屋企食都好喎~
有同事話如果入開超市
幫佢買埋有機大啡菇
可惜好多人排隊比錢
圍住哂D貨架
埋唔到身去
直情係找不到放係邊
連我想買的原個南瓜仔也找不到
之後唯有轉戰冷凍食品
見到有好多人圍住選蟹啊~
因為價錢一樣
所以好多人都選個樣好似大隻D的蟹XD
我拿了兩款不同的蟹就找龍尾排隊比錢了~
勁迫人
行緊的人就想通過我地排隊的人
埋去貨物架睇野
而我地排隊的人
就怕比人打尖
所以緊密的貼住前面的人排隊(這是工作人員教的,認住前面個個人,以防比人打尖/排錯隊)
我開心由最尾凍櫃的龍尾排到去前面
就到收銀處啦
點知原來係U TURN架
屈反轉頭去
條隊係S型咁
穿插係貨架與貨架之間排隊
因為丟底左老公係第二度坐底上網
唔怕佢不耐煩 (上網D人話要排成兩個鐘架)
所以我繼續排隊
係貨架之間排隊的好處
就係可以一路排
順便一路睇有冇野岩就放入籃
所以我先除左凍蟹仲買左其他野 (一陣介紹)
好彩我帶定兩個環保袋 (明明主要係想買傘,點解會帶定兩個環保袋架?)
可以一濕一乾分開袋食物
之後我就神人上身
拿住都幾重 (對於我來說) 的戰利品去找老公啦~
好彩D冷凍海鮮雪得夠凍
反到家裡都冇走樣
我買左唔係好多野咋~


戰利品合照
我買了兩款熟凍蟹
左邊的韓國松葉蟹 ($68)
右邊的愛爾蘭羔蟹 ($69)
咁的價錢就梗係唔好預好大隻啦
岩哂我同老公玩拆蟹
我們都唔識食的~XD
加拿大藍青口 2磅裝 ($45.8)
超大包
我唸都要分開兩次煮先食得哂~

辛苦迫入排隊人龍中"立"的飯素
左: 木魚風味飯素
右: 小魚風味飯素 ($20/2包)


即食咖哩包
冇理到咩味
排隊時經過貨架
有就除手拎左幾盒 ($27/3盒)



青森富士蘋果汁 果汁100% ($31.4支)
超重又係玻璃瓶
拎反屋企都要好小心
我淨係買左以上的食物咋
唔係好多不過都拎到我手軟
快手快腳會合老公
比哂佢拎XD
老公話我快手喎~
因為我開始排隊個陣
打過電話問老公有冇野要買
可以趁我排隊個陣
佢周圍攝去拎野
佢問我多唔多人
我話緊係多架
所以佢都係唔入超市個PART了
到我比完錢再揾佢個陣都係過左半個鐘到啫
反到屋企個陣
載冷凍海鮮個環保袋
都開始滴水了
仲有陣海水味TIM啊
睇嚟唔洗解凍都可以開餐啦~
arrow
arrow
    全站熱搜

    eunice 發表在 痞客邦 留言(1) 人氣()

    E-mail轉寄