小西瓜 @ ♥平民宅夫妻的生活日誌♥

反媽咪度食飯
佢最鐘意塞野比我拎反屋企食
今次老公仲咁岩冇去TIM...
自己一個又拎手袋
又拎自己聽日個飯盒
又拎多一隻西瓜反屋企...
早幾年開始出的長橢圓形美人西瓜
小小的樣子可愛
可惜黑色瓜籽多到每啖都要吐數粒出來(麻煩到爆)
我媽咪就奉指唔買
情願買個大西瓜反家切粒入盒
擺到霸哂一層的雪櫃架

今年出的小西瓜就唔同啦
十幾蚊就一個
瓜籽不多又甜又多汁
每次切一個剛好夠一家人分享食用
唔洗食淨擺反入雪櫃
買得多得心應手
媽咪仲揾到間平霸的水果店
十蚊雞咋~
不過SIZE就再細少少的
比我拎反屋企同老公食
費時雪凍左個西瓜之後
到時要摸住個凍西瓜嚟切
咁揾自己笨
反到屋企即刻切件先
再拎去雪凍
等老公幾時都可以係雪櫃拎嚟食