♥平民宅夫妻的生活日誌♥

坐飛機去歐洲
要坐十多個小時不等
由於改左行程的關係(頭尾倒轉行)
去程係法國入(10小時)
回程係德國出(11小時)
法國入的好處係只係搭十小時咋(反嚟咪又係要搭反個多一小時...)
我們特別揾團係搭零晨機出發
到達法國巴黎的時候
剛好係早上六七點
一天先剛剛開始
抵到爛啊~
仲有就是要直航機
因為唔想浪費時間係轉機上面

無無聊聊等宵夜中(香港時間1:39AM)
睇下雜誌有冇咩免稅飾物/化妝品特別抵買先
都冇咩特別既
平得個幾十蚊
我先唔拎餐屎

終於上宵夜啦(香港時間1:48AM)
唔洗唸食咩各一啦
雞肉玉米芥末沙律
雞肉好乾好UN
玉米硬硬的
難食的沙律...
魚香茄子肉碎配白飯
惹味的魚香茄子很好下飯呢
同平時食飯堂的水準差不多
飛機餐有咁的水準已經很好了~

香煎魚柳伴蕃茄檸檬汁
味道不錯哦~
不過啖啖肉我就吃不下很多了
仲跟左杯哈根大師朱古力雪糕~
好滿足可以安心訓覺了

已經又聽歌又玩左陣GAME(香港時間2:22AM)
點知HEA左一大輪都訓唔著
動來動去坐得好唔舒服
仲打擾到老公睇電影呢
我同老公都聞到有人食宵夜杯麵
老公仲話不如同我兩份食呢
但是我只是想訓著咋
仲唔訓聽日點頂全日行程啊 > <
喉嚨仲開始乾涸
好辛苦
老公特地去拎左杯水比我潤喉
頂唔住我拎左粒暈浪丸食
因為我記得盒上的包裝寫了
服下之後會令人產生睡意
服後真係冇耐我就沈沈睡著了

訓醒後無聊打開窗睇
原來出面已經天亮了
冇耐就食早餐啦

雞柳燴米粉伴菜芯
睇個名都唔想食
不過老公都係話每款都試下喎
點知又唔錯喎
原來即係炒米粉
米粉唔會壓到一餅咁架
條條分明又唔會乾過頭
又幾好食喎
條菜都仲好爽脆,唔黃又唔軟奶奶架~

芝士甜椒奄到
配煙肉,薯餅及奶油鮮菌
仲有麵包配果醬及牛油
真係唔慣食甜椒
覺得怪怪的
薯餅的皮都已經比油烘到軟哂
成份早餐都好油膩的feel
好嘔心
食左兩啖都唔想再食
轉目標食乳酪(因為驚去到外地水肚不服冇便便,打定底)

食埋早餐仲有3/4個鐘先到達
心唸好快就到啦
可能一上機預左要坐幾成十個鐘
e+淨反幾個鐘easy job XD

飛機降落了
由於落地後下起大雨來
所以稍後片刻後才可以走出客機
個天灰灰暗暗咁

走出客機行去客運大樓(當地時間5:50AM)
都有給寒風吹到的FEEL
法國戴高樂機場給人不大的感覺
行一段小路已經到入境關口(五分鐘都唔洗)
分左兩條隊
一條係拎歐盟國家發出的護照
一邊係其他國家發出的護照
我們拎特區護照的
緊係排其他國家個條隊啦~
一過左關後
導遊就話要去廁所的就去左先啦
一陣上旅遊車架啦
咁我們一咋團友就沖去排隊啦
點知等極條隊都唔多動
仲有幾位到我的時候
終於知點解...
原來入面得兩格架咋!!
一個機場臨近出禁區的廁所
竟然得兩格...
班男團友等我們班女人仔去廁所都等到呆哂
我會合老公後快手去拎行李
?機場比我去過的亞洲機場還要小
由入境櫃位或者廁所去行李輸送帶
五十步都不到...
拎左行李由入面拎反件厚少少的中褸
就去導遊度集合
之後導遊就帶我們出禁區
找旅遊車去也~

唔知大家睇唔睇得明
上圖左邊牆的背後就係禁區
右邊明顯有光映入來的就係自動玻璃門
出左去就係汽車上落客站
真係迫到爆炸
導遊唔想我們跟佢周圍找旅遊車(費時我地吹風)
就叫我地係室內等佢
點知地方真係有限
d人來來去去又排隊check in
我們一行人已經特登排成一行
貼埋牆企都會阻到其他人行過
無奈中...