法國巴黎 (迪士尼自助早餐 Forum Des Halles商場) 2012年9月 @ ♥平民宅夫妻的生活日誌♥

好多團友昨晚都早早入睡
訓醒一覺
個個都生猛反哂
由於昨日天氣灰暗又大風
我今日著反件薄長袖衫+長褲
去食酒店早餐啦~
雖然係話迪士尼酒店
但是酒店一隻米老鼠我都見唔到
接待處D職員係正正常常的一套制服
房入面冇特別的米奇老鼠小擺設
食早餐時唔會有米老鼠/唐老鴨來同你影相
夢想幻滅...
不過早餐都不錯就是既
熱食不多只有炸到香酥的煙肉和薯仔片
其他的都係D凍食

各款芝士

幾大籃的牛角酥,朱古力批
任你畢的榛子醬,朱古力醬,果醬

(湯碗咁大的朱古力醬,唔掛得之外國小朋友食到咁肥啦)

任你拎的各口味乳酪

喪多的沙律配料

有蕃茄,白烚雞蛋,青瓜薄片,凍食火腿及切片的莎樂美腸

仲有小朋友的早餐粟米片,可可脆米,各式穀片及鮮奶拌著吃
有咖啡機按個"制"就會出特濃咖啡,鮮奶咖啡,朱古力咖啡,奶茶,朱古力,熱鮮奶等...
或者果汁機提供各款果汁,綜合果汁,蔬果汁,清水等...
我們好多團友都特登拿水樽來餐廳入水拿出街飲XD

地方好大唔驚冇位坐

我們選了靠窗的位置
欣賞剛起床的太陽伯伯 ^ ^
之後導遊在大廳等齊要搭地鐵的團友

親自帶我地搭接駁巴士去地鐵站

接駁巴士總站就已經係巴黎迪士尼入口各地鐵站了

老公簽卡買每人一張one day pass
盛惠$15.2歐

好細張架咋
仲細過香港的輕鐵票
要自行寫上1) 購買日期 2)自己姓氏 3)自己個名
如果唔係遇到check飛
d職員就會以為我們偷人地張票來用架啦~
由於係總站開出
唔洗驚搭錯方向

剛好有車埋站
但是車門冇開到
不過是團友們行先
我唔好意思上前有所行動...(我上網見到係見自行打開車門的)
之後成班港燦見到旁邊個門有打開(因為有人出入)
我們就沖哂係個度門上車了...

架車有上下兩層架~

我們梗係試下坐上層啦

成班團友柴娃娃出城啦
法國巴黎迪士尼雖然比較偏遠
不過鐵路都會途經d大的轉車站
如果去香榭麗舍大道就連線都唔洗轉tim啊~
比想像中交通方便
已經停左幾個站
但是在地鐵地圖都睇唔到個站名~
好驚啊...
比老公話我傻
因為迪士尼太邊邊的關係
地圖都睇唔到迪士尼附近個幾個站orz
本來想去Le Bon Marche百貨公司先(睇人地d blog個度間LV少人D)
不過去到轉車站有d內急的關係
就去左Les Halles轉車站上蓋的Forum Des Halles商場先(原先唸住回程先逛的商場)
跟指示牌好易就去到Forum Des Halles商場
找不到廁所,要問詢問處
好彩職員都識少少英文
揾到廁所啦~
點知要收錢

前一日的消費同埋頭先買車票
老公見有得用信用卡就簽卡
而我們兌換左的歐羅紙幣張張都係$100歐=$1000HKD
收錢的嬸嬸唔肯同我唱啊 > < (都唔怪得佢,面額咁大點唱啊...)
唯有揾野買唱散張$100歐
去左H&M 逛左成一個鐘 (行到唔記得自己急緊)
終於買到野
拎住個$1歐去收錢嬸嬸度
佢幫我唱成兩個$0.5歐

女廁入口的玻璃門邊有個類似汽水機的投幣處
入一個$0.5歐硬幣就會自動開門
我就唸過衰野,就係趁人地入去個陣跟尾入去...XD
老公仲問我做咩咁快去完
因為佢揾到個商場有免費WIFI唔洗錢架

強迫性要我陪佢坐係D休閒椅子上上下網
我都打左個卡XD
行過間平平化妝品店-KIKO (BLOG友推介-好抵買的歐洲品牌)
平均$3.9歐就買到支唇彩/眼線筆/唇膏...
或者$5.9/6.9歐就買到D睫毛液/防曬...
都有唸過買少少化妝品比姑奶們的
不過都係唔知她們鐘意咩色
SO冇買到LU (想對間店影張相,BUT有個黑人實Q企係門口,我都係唔敢影了...)
成個商場都好少人行
靜英英咁,又唔多光鮮的裝潢
有DD似發霉商場