法國巴黎 (香榭麗舍大道) 2012年9月 @ ♥平民宅夫妻的生活日誌♥

難得影到地鐵車廂內部
這架係不用手動開車門的列車
我終於知道點解好少人影地鐵既相啦~
我都比導遊成日提住要提防小偷
所以我去到邊都提起十二分精神
唔會隨便拎部相機出嚟影相
上網聽得多要自己打開車門
就算係同一條線
列車都可以有唔同的型號
我都遇到不少款式
有按制開門的,把手開門的
次次開門個陣我都好驚會有人乘機搶野
雖然我同老公個樣睇落都唔似有錢
不過導遊話我們D黑頭髮黑眼睛(亞洲人)的遊客
係本地人心目中是在額頭寫了水魚兩個字
仲要個身好多現金個隻(因為強國人最鐘意用現金買野)
唔係啊,我冇錢架
我連去廁所的散字都冇架 > <
搭車到GEORGE V / CHARLES DE GAULLE ETOILE 站
一出地面就會已經係香榭麗舍大道
因為巴黎地鐵有N個站縱橫交錯
好多時景點會有幾個車站係附近的
我地就選左係*左住5號(GEORGE V) 站下車
LV總店就座落香榭麗舍大道

一出就地面就看到啦
係對面咋
真係想一支箭沖去啊~(因為頭先係Le Bon Marche百貨公司未買到野)

過馬路中途唸起洗唔洗由香榭麗舍大道的正中間影反張相
點知真係轉左燈

我同老公困馬路中間
嚇死我啦~
天意要我影張相既
不過都好驚影緊個陣會比D司機搶野啊~~~~

終於安全到達 (當地時間5PM)
唔洗排隊就入得去
我們亂逛一野行哂幾層樓
之後向我的目標進法
一早定下來要買男士銀包
企定在玻璃櫃前呼叫職員A
職員A: 負責此部分的職員未有空,請稍等
十分鐘過去...
又招其他無所事事的職員B
職員B: 負責此部分的職員未有空,請稍等
期間除了我們之外
還有一個強國人及一個日本人都呼叫過職員
都係未有人得閒招呼我地
大大話話我企左係度幾個字至半個鐘了
終於有一位好似高級少少的女職員
帶住一個好明顯係菜鳥的男職員
來到玻璃櫃前
問邊位來先的?
我立即舉手示意啦~
我見到強國人及日本人都好不憤的樣子
這個時間老娘唔會讓你們囉~
更何況真係我等先既
我以為LV的職員會易D溝通啦
點知都唔係既
講英文佢又知D唔知D
佢嘗試用普通話同我們講
我答反佢普通話佢又係唔係幾明咁...
搞左一大輪終於選好
比錢都搞左幾個字
因為要佢幫我地填好退稅FORM
目標完成!!
再慢步於香榭麗舍大道
又不是間間都係名店既
都有賣服飾鞋子的店舖

仲看到法國出名的甜點店-LADUREE PARIS
不過老公為剛剛係LV的出血而冇心機
所以我都冇入去食了

不過它都裝修中
只是開放了近馬路的店面
冇得坐底食~

再行行下
遇到間餐廳LEON DE BRUXELLES
在巴黎好出名的食青口架
價錢又不貴
就決定入去食我們的晚餐啦~
唔係法國餐廳嚟架

入面好似美國風格的裝潢(不過都好似唔係美式餐廳,我唔記得係咩國家啦)

點菜後就擺左兩個像腰果的膠兜係枱
唔好搞錯唔係當碗用架
係用嚟放青口殼架

又上左籃麵包

侍應問我們洗唔洗點飲料
我知飲反杯啤酒係好正既~
可惜我唔飲酒架啦
老公又唔特別"好"
叫佢比左支TAP WATER我們好了
上網揾資料知道歐洲好多地方的餐廳都唔提供水
要客人比錢買支玻璃樽水(好X貴架)
只要你話要TAP WATER即係自來水就唔洗收你錢啦~
當然有D餐廳係連TAP WATER都唔比你叫
局你買玻璃樽水啦~

上枱啦~
好好好大煲啊~

MARINIERE STYLED MUSSELS 香草白酒煮青口 $18.1 歐
上百隻青口好壯觀哦~
每個殼都有肉
唔會跌哂出嚟
隻隻都好鮮甜
清清地配白酒煮一下已經很好吃
一咬落青口度
仲會有汁咇出嚟架~(哈)
我們試過飲D湯汁
好咸哦....

仲有一碟薯條跟上的 (UNLIMITED FRIES係免費任添的)
老公話要食夠四碟喎~(睇下得唔得XD)

ITALIAN STYLED MUSSELS $14 歐
睇MENU就以為係意大利風格煮青口啦~
有蕃茄,各種香草等材料
點知一上台
原來係蕃茄青口意大利粉
蕃茄味好惹野哦~
不過可能意大利粉吸哂D醬汁
就比較乾身D~
同兩款青口各有特色都很好吃

食到個膠兜FULL左一個

最後我們都食淨左廿靚隻青口
連薯條都冇加一次...(蝕哂)
老公:唔好提了,我想嘔了~
食飽之後 (當地時間7:30PM)
不過太陽都係未落山
老公就提議去埋老佛爺(明知大有可能已經關門)
鬼咩買左ONE DAY PASS嘛
去多幾個站冇蝕底呢XD
食飽飽又慢慢行去搭地鐵

係大道影反張相先
D戰利品都係唔夠多啫~

落車行一個路口就係老佛爺啦~
黑敏敏真係關左門啦~ (當地時間 8PM)
之後老公就話反酒店LU
好彩自動話反去啫
佢原先想去轉車站上面個商場
延伸閱讀-法國巴黎 (迪士尼自助早餐 Forum Des Halles商場) 2012年9月
用免費WIFI上下網先反酒店架
你估天未黑就好早咩
快D反去訓巴啦~