♥平民宅夫妻的生活日誌♥

一早起身去食個酒店早餐
見仲有幾個字先集合上車
有部電腦係大堂
可以免費使用上網
上下FACEBOOK睇下野都好喎
點知...
個KEYBROAD d按鈕亂哂龍架~
究竟係法國人用開的keybroad唔同我地d亞洲人
定係酒店驚d客人會霸住部腦唔走
就特登將D按鈕整到唔同位置?!
今日要早d出發去羅浮宮參觀
因為羅浮宮是大部份遊客必去的
附近的街道就最容易塞車
早d去就唔會擔誤到行程啦~

巴黎街頭座座建築物都好似藝術品咁
真係好難忍到手唔影相
可惜睇相都係欠d神緒...

由於團體旅遊巴太大架
博物館安排旅遊巴係地底停車場落客
我們入到地底入口
見到有廁所,好多團友都蠢蠢欲去XD
不過個廣東話導賞員話等多一陣先去
因為入左場的廁所先係免費
導遊收我們的入埸費盛惠每位$ 50 歐
已經包左廣東話導賞員和一SET耳機
導賞員係第一天的LOCAL GUIDE介紹給我們的
來到巴黎居住已經20年了
上到地面層
有個木製的羅浮宮博物館模型
對上的一層仲有間m記(出反嚟個陣可以試下免費上網,呵呵~)

經過倒玻璃金字塔進入商店街
導賞員話出嚟先慢慢影相
現在要分秒必爭趕住去入埸先

到達羅浮宮的地標-拿破崙廳
亦即是玻璃金字塔下方(接待大廳)
導賞員說除了因為團體旅遊巴要在地下停車場上落客
所以我們要由地底入埸
另一個原因係-大玻璃金字塔要行樓梯落反嚟入場的!!
都有電梯,不過係慢到你情願自己行樓梯落嚟
都好過等電梯等到火滾
所以由地底行反上嚟就又唔逼人又唔會曬啦~
如果要影相可以等參觀完後
先上反地面去影大玻璃金字塔
我們係團體票入埸的
所有參觀者都需要一起入場
仲要除下手袋/背包過x光機

入面真係好大
導賞員帶我們左穿右插
睇到眼花花了
都不知道自己身在何處...

之後我地行到德農館 (Denon) 一層 (Rez-de-Chaussee)
米開朗基羅廊 (Galerie Michel-Ange / Michelangelo gallery )
睇意大利雕塑-編普西莎及愛神

某位國皇的代號標誌

垂死的奴隸

被縛的奴隸 (les Esclaves enchaînés)

之後再到德農館-二層 (1er etage) < 好像我們舊式的樓宇的叫法二層,但是數字就是1
大畫廊 (Grande Galerie)

有很多不同的畫像

無聊地對鏡自拍

春夏秋冬

行行下導賞員聽到廣播話發現有小偷出沒
提醒我們要加倍小心財物
因為我們行到同層(德農館-二層)的蒙羅麗莎廳 Mona Lisa room / Salle de la Joconde

我們個個都好專心聽導賞員紹介畫作的故事
加納的婚禮/伽納的婚宴
好大的一幅畫
成一面牆的咁大

巨畫對面就是羅浮宮三竇之一的蒙羅麗莎
有圍欄隔著兩三米的距離唔比遊客靠得太近
但是沒有其他保安員為持秩序
一咋人湧去欄杆前喪拍照
咁貴的入場費(差不多$500HKD)
點都要影反張相(冒著比人偷野的危險)
仲要逼去正中間影才成

好死唔死臨到最前的時候
前面一PAIR情侶
影完合照就各自影獨照
又再不停影自拍照(起碼影左十幾廿張相)
可憐的我同老公
比後面D人不停咁逼(逼狗入窮巷)
我同老公癲起上嚟發揮港人本色
唔蝕底又各自影反張合照

當然我們冇個對情侶咁唔識做啦~(每影完一張都仲要睇反個效果先再影第二張...)
快手影一手就鼠反出嚟了

其實都係人影我們又影咋
張名畫都比塊玻璃隔住
點影都反光唔清楚既 > <

指示牌都仲清楚過張真跡...

之後繼續行去到的達魯廳 (Salle Daru)
睇畫作-拿破崙一世加冕大典 (Le Sacre de Napoléon)
其實每一張/件的作品背後都有它們自己的故事
不過我就唔詳細講了
因為你們睇相都唔會好睇到畫的細節
未必理解到故事中的意思

之後再看羅浮宮三寶之二的薩莫色雷斯島的勝利女神像展台 (Victoire de Samothrace / The Victory of Samothrace)
是古代希臘文物

年代久遠
所以出土的時候都不完整了

佢隻手

幸好勝利女神的全貌
可以在D舊的錢幣看到

亦是位於德農館-二層 (1er etage) 的阿波羅廳 (Galerie d'Apollon)

入到去即刻精神哂
金光閃閃嘛 XD

路易十四之畫像

左) 路易十五的鍍金白銀王冠-超多寶石呢 (不過我點睇都覺得似膠珠多D啫,又唔多閃咁)
冠頂為鳶尾花是法國皇室標誌-法國的國花
右) 拿破崙一世的王冠 (Crown of Charlemagne)-簡陋過路易十五的王冠得多
註: 資料我都係網度找出來的,如果有錯都唔好怪我啊
因為D王冠真係頂頂差唔多啊,認錯都唔出奇 > <

已經絕種的藍色石材

由其中一展館窗戶影出去的羅浮宮景觀

鈙利館 (Sully) 一層 (Rez-de-Chaussee)
最後的羅浮宮三寶之三-米羅島的維納斯 (Venus of Milo)
係世界最完美的女性身型喎

之後再下一層鈙利館 (Sully) 一層 (Rez-de-Chaussee)
卡婭第德大廳 (Salle des Caryatides)

裡面的藝術品都是復制自古羅馬時期失傳的古希臘腊雕像。

臨近接待大廳的雕塑牆
之後就要離開博物館
兩個半小時的導賞團就咁就完結了
都要跟緊導賞員快步走才剛好看得齊羅浮宮三寶呢~
間唔中見到有人玩住部3DS參觀
我們先話入得嚟就咪掛住玩啦~
原來係有得租嚟導賞架!!(點解我地冇架 > <)

新舊共存-倒金字塔及蘋果店<團友話個到的WIFI收得特別好的...
如果離隊就可以逛到關門先走啦~
不過之後去食的午餐係已包費用的法國大餐哦~
所以我們全體人員都有去食

有少少自由時間可以影下金字塔
上去地面剛好是正午
太陽曬到我都睜唔開眼
地下又全是沙地
沙塵滾滾
快手幫老公影反張到此一遊就閃反落去了