當地時間晚上八點
反到酒店天都黑哂啦~
上房放底行李就去酒店旁邊個棟餐廳享用晚餐啦
酒店乾淨企理有D似韓國酒店的FEEL


點解個洗手盆係大刺刺係房度架
睇唔慣囉
都幾好既,可以係老公ALL屎個陣
我可以刷牙洗面
不過亦都搞到我成日去完廁所唔記得洗手


去到餐廳
大部分團友已經入坐
仲有表演開始左TIM


好心急等晚餐上台
因為好肚餓啦~
早幾日係巴黎日日天未黑6/7點就食晚飯
今日遲左一兩個小時等同平時係香港的晚餐時間用餐
就餓到七彩...

Vegetable Cream Soup
忌廉蔬菜蓉湯
係咁多餐入面最最最熱燙上枱的湯
顏色好似南瓜湯
飲落就唔重南瓜味
顏色咁橙睇怕都有我最唔鐘意的紅蘿蔔係入面
幸好入口就唔多覺有紅蘿蔔味係入面
好似雜錦蔬菜打成蓉煮成的
不過就一d草青味都無
蔬菜蓉湯很豐富厚實
個個讚好呢~


Sliced Pork with Noodles and Vegetables
咖哩豬肉扁意粉
咖哩帶有少少辣味
岩哂我ed唔食得好辣的人士
豬肉切成薄片好吸味
扁意粉同配菜都熱辣辣撈起
加埋咖哩汁料就上枱了
餐廳侍應在大家吃了一會先的時候
就拎埋幾個平底pan出來
問我們要唔要添加咖哩/意粉/配菜 (咁多餐得e度會主動問我們要唔要加底,侍餐禮仲非常好呢~)
我們個個都食得好滿足啊
除左係不停添加之外
是因為個咖哩好岩我們香港人的口味

表演告一段落
有表演者來我們旁邊
問有冇興趣合奏哦
咁得意...我緊想試下啦~
點知...
我分配到的係一支掃把+木棒
掃把要托在肩膀上用木棒敲擊發出聲響
來和其他樂器合奏...(其他都係一些家庭用品改裝而成的樂器)
我最細粒偏偏選中我用最大支既野...
一開始都跟到d節奏
到尾聲的時候
都係靠意志頂住上咋...


Caramel Pudding
焦糖布甸
好滑溜的感覺
因為連碟子上枱的小匙
係冇人用力的情況下
自己吉左入去個布甸度
果然冇錯
布甸真係好嫩滑啊~
唔洗點咬已經滑左去喉嚨啦~
焦糖唔會太甜或者太杰"醬"住喉嚨


老公主動要同d女表演者合照哦~
(你以為咁樣就可以顯得你瘦d咩XD)
帶起左個頭
好多男團友都去同表演女士一拖二影搞怪照片


食飽飽導遊話帶我們行去酒店附近的湖畔
只要沿路行反出去5-10分鐘就到達了
不過天已經黑齊
影相好朦
聽朝起身先嚟過

晚上9時後
HOTEL大門會鎖上
我們只要用自己的房門鎖匙就可以開鎖
記得KEEP好鎖匙和開門後記得關門哦~

酒店有得租單車哦
個款都幾型的
可惜我們聽日就走lu
租左都冇時間玩~

是日戰利品 老公又係簽信用卡...

鹽味杏仁粒三角朱古力 $ 2.5 瑞士法郎 ($1 瑞士法郎大約兌換$8 HKD)
特別的味道特地買給弟弟呢~

檸檬茶 $1 瑞郎
同陽光檸檬茶差不多味
檸檬味唔會重到澀口
特地買反酒店喪飲
補足反水份的...
另有蜜桃茶以供選擇

真係三角形的三角朱古力 $1.5 瑞郎@
味道同平時的一樣

不過就唔係一排咁
係由九個等邊小三角形平排組成的

Kinder Maxi King
擺在牛奶凍櫃的東東
係便利店買左點知轉個頭上車唔記得食
攤到變左室溫
好彩冇變型啫~
樣子好似脆皮雪條
咬開入面好似忌廉+棉花糖的質地
如果雪凍左食應該真係好似雪糕的feel
中間有焦糖流心<超滑呢~
一包細細件剛剛好
食得多反而會覺得太膩

第二朝的早餐
老公係個芝士盤到喪揾不同味道的芝士
成粒食/抹麵包吃
佢來到歐洲最開心的就是有很多奶類製品食(真係香d,濃d,滑d)
因為亞洲的酒店唔會有得任食芝士架嘛~

而我就食d熱熱地的早餐
炒蛋+腸仔

補回酒店鎖匙照片一張
因為在瑞士軍刀太普遍啦~(總之係店舖就會有得賣軍刀)
酒店鎖匙都要扣把軍刀才行

快手吃飽早餐
就出去行下湖邊啦~
空氣好清新,車都唔多架

經過條小河

有水鴨游來游去架~



去到湖畔
有個小碼頭
可以乘船去觀光
不過我們一陣的行程唔係遊湖哦~

遠景還有幾座山呢
真係好似朱古力包裝上雪山個樣
好感動哦~

見到湖邊邊有一舊舊的東東
唔係垃圾啊~
係好多隻水鴨至真
老公勁想摸下囉
不過唔知係咪佢身上有殺氣
行近一步
d水鴨就識飛開幾丈遠
冇錯係飛走
哈哈~




吹左陣清風之後
我們就反酒店拎行李上旅遊巴啦~
arrow
arrow
    全站熱搜

    eunice 發表在 痞客邦 留言(0) 人氣()

    E-mail轉寄