當地時間九時
起程往Engelberg 英格堡
旅遊巴沿山路行駛
看到對岸的山峰倒映在湖上邊
真係好靚啊~



再行左一陣看到一大遍草地
好間中先會看到數間木屋
真係好似睇卡通片咁好自由自在的感覺


仲有牛牛TIM啊~
好休閒咁散步食草XD

大約大半小時的車程
就到達Mt Titlis 鐵力士峰山腳的停車場
因為剛剛過左旺季
冇咩旅遊巴咋


聽導遊的講解
原來上鐵力士峰係是要坐三架不同種類的纜車上去的
仲有張票要KEEP住到落左山先好丟
因為每搭一款 / 次纜車
都有閘機要過
如果唔見左就要買過張票 (冇得分段買票架)
好貴架 > <

張票係導遊代買的 每位盛惠$120 瑞郎
所以我都唔知買票有冇咩程序

係咪好似我們香港地鐵的單程票呢~

乘坐第一款纜車
裡面好像摩天輪的間格
每邊一排長椅
共有兩排坐位面對面乘坐
最多可坐六位乘客
因為不是旺季的關係
我們每三/四個人一架車

纜車冇冷氣既呢
不過我們打開窗戶
D新鮮風吹入嚟
真係好清涼
仲舒服過嘆冷氣呢~

山腳仲見到D綠油油的草地
有一大群牛牛食緊草呢
我們隔離得牛好群好
都聽到牛掛住的牛鈴,鈴鈴鈴咁響 (好舒服好好聽哦)
點解我昨日唔記得買牛鈴架 > <

導遊提左我們有中途站for寄放單車
要我們千其唔好傻傻的下車
點知我們坐上纜車
睇左陣風景就咩都唔記得哂
見度門自動打開就跳左落車
好彩我們前後都係團友的車卡
大家都揮手提我們快D跳反上架纜車...
呼~嚇餐死...
再坐左一會兒
就真係到左第一個轉車站

上雪山也看到郭富城XD


第二架纜車係超高的款
冇座位的

扶手係正常的亞洲人也摸不到
上圖見到有位外國人的頭頂嗎?
佢都費時舉高手去扶實
都唔知邊個設計的...
高大的外國人才剛好掂到把手咋~


見到右手邊的天池嗎?
天池的水就係雪山上流下來的


到左第二次轉車站
乘搭會旋轉360度的纜車啦~

又一個天池
不過這個d水好似泥漿咁...


已經上到好高啦~
看不到山下的小鎮了

由於纜車會自轉的關係
所以企在那一面都冇分別(當然企係窗邊會好d啦)
個個都一定看到每一角度的風景


入到自轉纜車入面不用急著找扶手
因為纜車係自地板旋轉的
扶手是不會動的
只要人企定定看風景就好了
揸實只會揾自己笨(小心扭親手)
纜車中央有部控制機器旁邊有數個座位
全部纜車只得中間的控制部分及那幾個座位
不會跟著地板轉動的
怕頭暈的人可以坐在上面

以為歐洲的旅遊景點設施會光鮮d啦
點知,,,
旋轉纜車的車窗比人劃花哂架(真係好離譜的花哂!!)
影相到要就下個鏡頭
到達左10000英呎高的鐵力士雪山山頂啦~

頭先影唔到纜車的全貌
現在補反



上到雪山有座小型的購物中心
其實地方不大
類似幾層樓高的鄉村俱樂部
講底集合時間和地點
導遊就放我們去自由活動啦~
遊人不多
我們周圍亂亂逛
揾到其中一層有好多椅子/梳化
可以懶洋洋地欣賞風景
仲有好多扇大窗戶的地方

仲有望遠鏡可隨便使用
睇到旁邊好細緻的山脈tim啊~
下一篇會講我們出到戶外有咩風景睇~
arrow
arrow
    全站熱搜

    eunice 發表在 痞客邦 留言(0) 人氣()

    E-mail轉寄