close




搭旅遊巴到碼頭
我們要上駁船先可以去到威尼斯 Venice

明明冇叫到船長影相架
不過見到我同老公影緊
佢就自己轉個頭埋嚟XD


今日天氣非常好
曬到冇朋友呢~

食左午餐先開始周圍逛
團費已包的意大利餐
餐廳多人到呢
連本地人都光顧架~

意大利海鮮意粉
新鮮蕃茄煮成的醬汁
配以細細粒的魷魚,青口,蜆肉
係個汁水左D
味道都不錯

餐廳連水都唔提供
局客人要叫飲料
盛惠$4.5歐的雪碧
香港可以買到一打的價錢orz
另有咖啡/酒精飲料可供選擇...

酥炸海鮮
魷魚圈,原隻小蝦/魚毛
熱到辣口啊~~~
好好食,炸到乾身又脆口
蝦頭都可以一啖食左落肚
不過好熱氣
係咁飲汽水

意大利薄餅
薄薄的餅底加上蕃茄醬和大量的芝士
最簡單的材料已經好好吃
仲厚過餅底的芝士
多到想流下來

吃完意粉+炸海鮮已經好滯
但是都忍唔到
要食埋件pizza先收得工

仲有甜品
烤布甸
好重蛋味,好正啊~飽到想嘔tim啊....


之後跟導遊到上貢多拉的地點
來到歐洲的早幾天
導遊已經預先問定有幾多位團友搭貢多拉
因為貢多拉超多人乘坐
要book定先可以確實我們有得搭
當日有團友臨時又想玩的時候,已經揾唔到船比佢地了~
每位盛惠$30 歐

我們的船夫
駕駛得非常好一d都唔搖
導遊臨上船提我們
唔好將手放在船邊
小心船隻碰撞後會cut左隻手指出來
窄小的水道上唔好話撞到其他貢多拉
連轉彎之類,船夫都冇比架船碰到任何野~
比個like佢先得

坐在貢多拉上欣賞威尼斯的風光真係別有一番滋味
好舒服和寫意
又唔曬啊(因為比d樓夾住)

有d店舖的門口仲有個位比人上岸光顧架~


同澳門威尼斯人度假村的貢多拉不同
這裡的貢多拉唔會有特別的河道去行駛
完全是在樓宇之間左穿右插
水深幾多不知道
但是唔會想掂d水囉...
不過d水就唔會有異味既~


貢多拉游游下出了好像主要河道的地方
兩旁有好多停迫的遊艇,水上的士等...


仲有隻海鷗的東東在水上飄浮...(唔怕比船撞到架?)

陽光普照,一舊雲都冇

見到d樓浸住水溶溶爛爛咁
好有鬼屋的feel

在一條不起眼的水道入反樓與樓之間
再周圍逛多陣



就反到上船的地方啦~

我們坐在貢多拉上
好似比陸上的人當動物咁望住
怪尷尬的feel...
上到岸之後就是我們長達數小時的自由時間啦~
arrow
arrow
    全站熱搜

    eunice 發表在 痞客邦 留言(3) 人氣()

    E-mail轉寄