2012-12-19
上司相約我們在聖誕節前夕
大家外出食反餐飯~
為免午飯時間太趕了
我們找了日放工一起去吃晚餐
地點由上司選出
是在新城市的七樓的Mr. Steak
由於我濕疹翻發
唔好食咁多海鮮和牛肉
來到 Mr. Steak 竟然唔食扒

同事的前菜-芥末忌廉海鮮酥盒

切開超多海鮮跌出來 XD

同事的前菜-法國野菌燴田螺伴薯蓉
前菜份量一D都唔細份
食薯蓉都食到飽飽地了


托斯卡納蟹肉南瓜湯
我選了湯品為前菜
暖下肚嘛~
南瓜湯不太杰
仲好青甜,甜得好不可思議
蟹肉沈在碗底
下半部的南瓜湯除了南瓜甜味還帶有蟹肉的鮮味

同事的主菜-美國克厘石牧場熟成D.A. 紐約西冷牛扒
配菜是烤原個蒜頭
很少見,同事話烤得熟透很好吃呢~

同事的主菜-炭烤澳洲MURRAYLAND優級嫩羊仔骨扒
我都試了一小口
羊肉不羶,肉質唔會太UN很好咬

同事的主菜-芝士焗大西洋龍蝦配蟹肉墨魚汁麵
烤焗整條龍蝦尾
我也小試一口
龍蝦肉鮮甜多汁呢~一D都冇烤過火
仲以為係墨魚汁煮意大利麵
原來只是白汁煮墨魚汁製成的意大利麵
不過白汁很香濃
也很好吃~

我的主菜-燒鱈場蟹腳配鮮蠔松露菌意大利飯
以為有意大利飯墊底
鱈場蟹腳應該唔會好大份啫


點知...鱈場蟹腳成個碟咁大啊~~
有剪刀方便剪開蟹腳
不過蟹殼好硬,我搞唔掂

要勞煩同事幫我起肉
簡單燒蟹腳最能吃到蟹的鮮味~

而意大利飯好濃郁的忌廉松露味
內裡有很多隻蠔肉
估唔到菇菌和蠔肉味道咁夾
我竟然食得哂整個主菜
十分難得,可見個意大利飯好正哦~

同事點的藍莓芝士餅

而我就點了英國皇室果仁朱古力餅
之前在MR.Steak 食過一次high tea
延伸閱讀--High tea @ 牛扒先生 Mr. Steak Cafe
知道這款甜點很好吃呢~
我推介大家一定要試
食飽飽仲逛左陣街先反屋企
好滿足哦~
arrow
arrow
    全站熱搜

    eunice 發表在 痞客邦 留言(0) 人氣()

    E-mail轉寄