♥平民宅夫妻的生活日誌♥

由台北旅行返來了
今次去旅行發生了很多意料之外的事
例如四日裡面有三日都有試過迷路
鬼打牆的在台北車站
地庫通道亂轉都找不到正確的出口...

其中一件事發生得到很多親人和朋友關注
就是我們被騙了

因為今次我們只有兩位女生去旅行
大家都怕我們會出意外
幸好今次騙錢事少
我們自身安然無恙

事原當日我們最後一個行程是到士林夜市
吃晚飯及逛街
返到台北車站 (住宿酒店在台北車站附近)
已經是晚上11點幾了
我們經地下通道到台北轉運站+京站時尚廣場
唸住找個最近的出口返酒店
點知看到有pay easy 時尚機出售台灣kelvin老師/其他不同明星推出的彩妝品
貨物種類都幾多
價錢又唔貴
我就買左樣野給媽咪啦~

轉個頭我見到友人Y在跟一個台灣人聊天
好像閒話家常咁
我以為係台灣人NEW下我們D旅客聊天咁
咁我咪行埋去啦~
台灣人A: 歡迎來到台灣,台灣好玩嗎?
下刪200字
(此時另有一人出現,台灣人B,給我們一人一把扇子)
好樣衰老土爆的扇子
我推出去唔想接住
但是他都硬塞在我們手裡
A: 你們從那裡來的?
Y: 香港
A: 去左邊度玩啊?
Y: 昨日去左北投+淡水,今日去左夜市 (洗唔洗交代得咁清楚)
A: 你知道小豬是誰嗎?
Y: 不知道
A: 羅志祥呢?
Y: 知道
A: 我的別號就叫小羅志祥 (唔係啊化)
個下我同Y都不停喪笑
A: 是的啊, 我才十七歲 (個樣一D都唔似囉,成個WET友咁...)
    你們第一次來台灣玩
Y: 第3次了 (小姐你唔洗咩都講比人知的...)
A: 我和B都是從花蓮來的, 來籌募升大學的學費
    你們幫我們買個東西就可以了
    還欠我們兩個未成功
    其他人都在上面 (台北轉運站) 等著乘車走
這個時候Y又粒聲都唔出,頭先又咩都同人講...
我: 把扇幾錢 (當時商場靜英英,好想來D甩身)
A: 只是NT$299一把,你們一人買一把啦~ (痴X線咁Q貴)
我: 這兩把扇我們不要了 我們捐NT$300給你們 (當時只是想減低損失+快D走人)
A: 我們兩個人,你們都買一個啦 (拉鋸一會先,BUT我都企硬)
一係你們給NT$400, 等我們可以對分 (點啊分乜X啊)
我: Y你拿NT$300給他們 (由我們的公用錢包)
Y: (由錢包拿了NT$1000) 有冇得找回
B: (拿起NT $1000) 我上去找回,你們等一下
我: 不要!!
B: 我去找回,一定會回來,A不會走,我袋子也留下來
我: Y你有NT$300就給啦, 唔好比佢拎去找錢啊

之後終於離開左台北轉運站
我一路行一路說
如果是捐錢我無所謂
如果他們是騙我的
我一定咀咒他們

返到酒店
Y終於回個神:我們給人騙錢啊~
我: 咁你頭先又唔比反應!?
Y: 我都唔識反應
我: 算啦~減少損失,甩到身就好了

返到香港和同事說起
男同事就說應該錢都唔好比
女同事就說走得甩好好彩架啦~
夜媽媽兩個女仔
快D甩身最緊要

真係估唔到去左幾次台灣
今次又迷路又比人呃錢~
為今次台灣之行留下少少污點...