和同事們買了團購優惠劵
參加卷蛋製作班
大家太好人了
肯遷就我選鬆弛熊圖案

一上到去材料已經分發好
放在工作台上
仲有一張食譜

盆子裡已經放了些許材料
已打開的雞蛋
一PAT的乳化劑
沈左係低的砂糖
唔知幾耐之前分定既呢...

開始上堂了
每人首先分發三個由牛油紙整成的唧筒

有張鬆弛熊的圖

鋪張牛油紙上去
用筆劃上鬆弛熊的樣子
反轉鋪在焗盆上待用


好啦~跟著就打發開頭在台面的雞蛋,砂糖

打到體積發大幾倍

再加入所有粉類攪拌

再加埋奶同油
加油的目的係唔想卷蛋乾燥
卷的時候會破裂

原味蛋糕糊完成了~

預算要用的顏色
每一顏色就在原味蛋糕糊抽20G出來
加入色素調色

用開頭派的紙唧筒
沿著草圖唧上彩色蛋糕糊
之後放入雪櫃雪五分鐘
等顏色蛋糕糊凝固

而原味蛋糕糊加入朱古力醬
拎反雪左入雪櫃的焗盆

筆D朱古力蛋糕糊係鬆弛熊的樣子上面
小心唔好太用力去拉推
會搞到佢走樣架~

之後放入預先預熱180度左的焗爐
首先計時6分鐘
之後熄左下火 (因為唔可以焗到鬆弛熊個樣太熟架,會搞到佢變左黑熊架)
焗多的8分鐘就可以啦~

原來整個卷蛋都幾累架
我們幾個呆哂

出爐了
好似有DD焦的

冇咁辣手的時候
就拎反位

反轉佢放在另一張牛油紙(鞋個面)上面

跟住就同佢個樣按摩
作用係等佢個樣唔會痴實張牛油紙

等蛋糕灘涼哂之後就起牛油紙啦~
之後再反轉蛋糕係台上的牛油紙上

這個是導師的樣品

每台分發左一大盆的朱古力忌廉
做法:
甜忌廉打成8成企身
加入朱古力拌勻
將忌廉抹滿蛋糕上面
就開始卷啦~

因為我負責拍照的關係
我只係影到其他人卷的情形


原本的牛油紙都好漂亮哦

大家都愛不釋手
要嚟張大合照先至得

多到必哂出嚟的忌廉

由於係主角是鬆弛熊樣子的關係
卷蛋的切面就不太漂亮了
不過我都好滿足
因為我太愛忌廉了~


襯埋蕾絲紙

大家嚟張大合照

入盒回家了~

當晚就同老公開左個切熊大會XD
襯埋鬆弛熊碟子一起


唔知係咪出爐的時候咪見到有少少焗黑左既
食的時候真係有輕微的苦澀味
好啦~
現在打埋個食譜先

朱古力瑞士卷
材料:
蛋3隻
砂糖45G
低筋麵粉35G
朱古力粉5G (當日導師是開左朱古力醬給我們拌入蛋糕糊的)
乳化劑8G
奶20G
油1茶匙

彩色蛋糕糊
材料:
蛋糕糊20G
色素數滴

朱古力忌廉
材料:
甜忌廉80G
朱古力25G

希望大家都成功製作到鬆弛彩繪卷蛋啦~

另備英文食譜--Rilakkuma Colour Painted Swiss Roll Recipe
arrow
arrow
    全站熱搜

    eunice 發表在 痞客邦 留言(11) 人氣()

    E-mail轉寄