♥平民宅夫妻的生活日誌♥

花車我想揾的時候
首先係唸用銀𨭎
相信好多人都聽過
因為訂酒席的時候
九成九都會送佢的coupon
我出到去佢紅磡車站的counter
問下關於結婚花車既野
點知啊姐姐淨係比張單張我
我想問野詳細少少就叫我打去熱線問
話counter唔清楚結婚花車既野
我就係唸住面對面問可以問得清楚d
同埋佢有間舖好似穩陣d嘛
比人耍走左之後隔日打熱線問
如果join package就唔可以用coupon(e個我都預左,不過唔join package真係超級,貴到冇朋友)
我唔記得講我張coupon係500/1000現金劵(太耐唔記得左lu,同埋唔知塞左去邊)
我同事有的coupon係送免費3小時花車(好似抵d喎)
而我就對於車的類型冇咩所謂
聽就聽得多d倫敦的士易壞
我唔洗特別搭古董車的
最緊要個日平平安安度過就可以了
就算係七人車都得架
最緊要有車搭就得啦
不過老公就接受唔到主花車係七人車喎XD
咁我就是但選左順眼的鳳眼啦
好奇怪銀𨭎佢唔會confirm到你book左邊架車
係random咁出車比你的
如果要指定顏色就要再加錢(唔記得要加$200-500到啦)
咁我仲有d term想問清楚啦
再打多次去銀𨭎問
又問多次d價錢之類
點知d價錢同第一次打去問的差成千幾蚊
乜咁海鮮價架
跟住我即刻打退堂鼓
雖然好多人選,連我dad都話佢係間好大的公司
但係我最憎d價錢次次唔同
好奸囉
so我就上網睇下d 人的blog
多數人選個幾間花車公司
遂間打去問
有幾間都係我個婚期一係就主花車冇期一係架28座冇期
我唔想分開租啊
揾揾下就比我揾到dream wedding啦
仲有得主花車同架28座一起租lucky~
劉先生好快就e-mail報價比我
仲可以約時間睇車同試坐先落訂
不過夾左時間表嚟緊一個星期都就唔到時間去睇車
唔理啦
落左訂先啦
架架鳳眼都一樣架啦
講左咁耐比大家睇下我對花車公仔同花車先啦

買現成的反嚟再加工
不過有冇人有留意佢地有帶介子架
仲有媽咪係裙腳續粒釘上去的閃石


另加閃爆皇冠
仲有我親手整的小花球

仲未繫上絲帶~

 

睇到個車牌嗎
其實我都有問劉生
我唔洗特別的車牌架
其他車牌有冇得平d架?
答案係銀色鳳尾就自動配wedding車牌
(我問DAD花車金色定銀色好,DAD話銀色,金色好似有D娘娘地)
其實劉生的價錢唔貴啦
不過我咩都冇所謂(唔洗特別的車牌架)
so問下囉XD
其實你地覺唔覺有DD野怪怪地啊~

蝕哂底啦~~

仲要有野補反
講反佢D服務先
我落左訂過左幾個月先去睇車XD
佢地都好歡迎(只要佢冇BOOKING就可以了)
而結婚當日都準時到達

THEN司機先生就去佈置花車(唔洗驚D兄弟同姊妹唔識搞)
DREAM WEDDING連埋花車公仔同絲帶蝴蝶都包埋架
唔想煩的的新人就最ARM (不過就冇得選囉,有咩就要用咩架啦)
我就係屎忽痕走去買左對公仔
搞到DIY左超耐
每一PART的DIY都要用左我同媽咪成晚
出面買的花車公仔真係貴得有道理的
我地係公園影完相就出發去晚宴地點
我老公隨口講左句有D口喝
司機先生就走左去車尾箱拎左支水比我地飲哦
好細心哦
以上就係我對於花車公司的感想啦~