close



2012-11-30
近排好似有d食大閘蟹上癮
不過上次去大陸食左等於冇食到
延伸閱讀--中國中山 (任食大閘蟹) 2012年10月
11月尾了
都怕會冇大閘蟹食
臨時起意趕搭尾班車
打去BOOK台 (早一日去BOOK咋)
點知仲有喎
今次試下去東海食大閘蟹
價錢比鴻星平三分一
延伸閱讀--鴻星江蘇大閘蟹宴
不過就只是得兩隻大閘蟹
一張四人圓枱給我們二人世界
可惜冇得坐窗門位睇海景
但是都坐得好寫意
多左的椅子可以比我們用來掛外套和放袋子

花膠燉桃脂
暖烘烘的湯品
香濃肉厚的冬菇
滑溜的花膠
好易咬開無腥味 (食多d,補充我的骨膠原啊baby~)
有d好似啫喱碎的東東就是桃脂了
其實即是甚麼呢?

蟹粉小籠包
好大粒啊~
我們各自有一籠兩粒唔洗爭
沾了少許蟹醋細啖咬一口

睇下入面幾多肉汁
同鴻星的一樣
雖然d餡都橙黃黃咁
不過都係冇咩蟹味
同普通小籠包差不多味道(又或是係我食唔出啫)

江蘇大閘蟹
同鴻星的差不多大小 (東海的餐牌冇特別註明大閘蟹的大小及性別)
第一隻是公的

d膏好醬
好滿足的feel哦~
為左老公肯陪我來食大閘蟹
我應承左幫佢拆蟹...
不過d蟹腳我就搞唔掂啦~

東海的拆蟹工具
剪刀都算容易剪開蟹身
反而係支膠籤唔夠幼同硬淨吉入蟹腳
所以老公就幫我NEW蟹腳肉比我食
不過我FEEL到佢有D火起...
(因為拆蟹肉仲用神過我幫佢開蟹蓋...)


第二隻蟹都係公的
D膏一樣咁醬住個口
好正啊~

臘味蒸飯
自己倒甜豉油撈勻D飯
老公話好好食
因為終於有野落肚...

生拆新鮮蟹粉蒜蓉包
蒜蓉包睇落黃金色
不過唔夠香脆
蟹粉食落唔同大閘蟹的蟹膏
有蟹肉拌埋有D海鮮的腥味
我就不太鐘意啦~
反而老公清哂D蟹粉到個煲仔立立令...
上湯灼時蔬
好重的薑味
可能是給我們去食蟹的寒氣
不過太飽了
食了幾條就停手了

薑茶湯丸
好辣啊~
不過夠甜好好飲
好暖胃
唔好睇湯丸咁細粒好似小丸子咁
入面仲有芝麻餡架~
雖然係為左去寒氣先會有這個薑茶
不過食咁多野
係要有個甜品先算得上劃上一個完美的句號~
arrow
arrow
    全站熱搜

    eunice 發表在 痞客邦 留言(0) 人氣()

    E-mail轉寄