起床穿上滑雪服到酒店禮堂享用自助早餐
有韓國益力多任喝呢~
不過我不敢喝太多飲料
一陣成身滑雪裝備
上廁所很麻煩呢~
拿了兩支益力多給老公代我袋好
中午玩完滑雪先飲
點知佢轉頭比哂外甥拎,唔洗唸,冇哂...

天氣不錯,太陽都出來了
不過氣溫竟然是負23度
比起昨天的負十幾度
低處未算低...

行到Dragon Plaza 導遊先替我們度腳
再到櫃台拿取自己SIZE的雪橇、鞋及手杖
每位盛惠 WON $28000 (導遊先代支)
每人要親自拿取的
職員將裝備放在我的手臂上
仲要用指定的擺位...
好X重
好辛苦頂住行到LOCKER位置


鞋底的鐵真係重到爆

穿上鞋子,還有在鞋背拍扣子一下
收緊雪褲的內層橡根圈
再用雪褲表面層蓋住鞋子小腿部分即成
將自己的鞋子鎖在LOCKER WON$1000

成套裝備上身啦喂~
唔洗打格都冇人認得出係我啦 XD

大家排排企讓教練教授基本功


個教練好靚仔架
真想佢教多我一陣~


我好錫身
好少極速滑行過
連小孩子都爬過我頭...

不過我都有跌底過既
為左唔好跌斷手
我好記得千其唔好比手落地先
萬大事都比個屁屁落先

滑雪場旁有數個氣體設備
是用來吹走雪橇上的積雪
很好玩的 (我是來倒亂的嗎?)

休息時間老公陪我入去室內休息一下
仲買左罐熱奶茶飲 WON $1000
衰佬見我個頭亂到髮夾都飛出來
都唔提下我夾反好
照樣同我拍照!!!


玩到中午就退回滑雪工具反酒店梳洗一下啦
導遊先前有提到玩滑雪不用穿太多衣服
因為玩滑雪會好大運動量唔會覺凍的
仲會出成身汗
我昨天凍怕了
當然冇聽導遊講
上衣穿了抓毛內衣+衛衣,最面層穿了滑雪風衣
下身穿了襪褲+雪褲
手帶滑雪手套
最後只得手有出汗
成身都乾爭爭
而雙腳穿了兩對襪加暖腳貼一樣凍冰冰...

執好行李就離開度假村LU
所有租來雪靴及衣物放在酒店LOBBY就可以了
導遊已安排出租店人員來收取
旅遊巴放了一晚露天停車場
車上的水都結左冰
arrow
arrow
    全站熱搜

    eunice 發表在 痞客邦 留言(1) 人氣()

    E-mail轉寄