♥平民宅夫妻的生活日誌♥

結婚已經多野煩
女人野會更加煩
所以我結婚選姊妹的時候
除了睇下朋友相熟程度外
我仲會考慮埋她的性格
講真識左咁耐大家的性格係點都會有個譜
性格:穩重,客觀,冷靜係我的首選

我找了個讀文憑時
像我姊姊一樣指導我功課作業的同學為我的伴娘M
佢平時很文靜
我從未見過佢發脾氣呢~
畢業後不時還有約出來食飯

另一位姊妹是識了十幾年的中學同學L
一樣是文靜類型的女生 (和我一樣XD)
不時約出來食飯,行街等...
剛剛去個轉台灣旅行
就是和她一起去的

還有一位是公司新進的同事J
我覺得佢幾可愛活潑
所以找了佢當姊妹
雖然之後佢真係越來越活躍
有點兒控制不住的FEEL
不過她在我大日子當日
估不到的落力
真是辛苦哂大家~

還有一位的中學同學A
她是我和同學L的共同同學
是介紹我和老公認識的紅娘
不過我沒有找佢來做姊妹 (雖然真是認識了十幾年)
因為她是比較大癲大吠的女生
玩起上來很凶的呢~

很多人說找姊妹要找認識很久的人
計我說有默契的更加重要
結婚當日
我真的需要很熟悉我的朋友
來幫我順利進行我們一生人一次的婚禮

開始籌備婚禮
找場地及證婚律師都沒甚麼要姊妹替我做
反而試妝有找佢地幫下眼啦
我本身都冇化開妝 (成功BOOK到化妝師之後,我都有開始研究下化妝,起碼知道點樣為之好的妝容)
真係唔識D化妝師點樣為之手勢好
幸好同事J平時返工都有化開妝
佢可以比到專業D的意見
而其他姊妹雖然不太懂
但都可以比到客觀,妝容適唔適合我的評語

大日子大約六個月前
我找了她們一起去度身做姊妹裙
一早說好了我會包姊妹裙給大家
另說明除伴娘我由得她選長/短裙外
姊妹一律要穿短裙
同埋伴娘及姊妹款式要一樣
當然我會和大家一起到店
等大家試穿給我看
我選了她們穿得最好看幾款給大家作最後選擇
最後她們選中了我極力推介的款式
係DEEP V大露背既呢 XD
雖然要加多少少錢 (唔係太金的,我都比得起啦~)
當然大家都滿意最要緊 (如果有一人點都唔鐘意個款,我一定唔會迫她啦)
下訂的時候順便加錢訂埋披肩 (同姊妹裙一樣的顏色/質地)
費時佢地要周圍再找店家買

而姊妹化妝方面我有MAIL提佢地
內容大約是:
當日化妝髮型我就唔包給大家了
當然姊妹利是會有D幫補
因為唔知大家想要化濃妝/淡妝/SET頭/唔SET頭
你們可以自己化又得
夾埋一齊揾一位化妝師又可
我只要求你們當日企理就可以了

我自己選禮服方面
姊妹好樂意客觀咁分析每件禮服襯唔襯我之類
完全唔會以她們自己的喜好來說
上網聽得最多
d姊妹對於新娘所選的禮服厭三厭四
用自己的標準來阻佑新娘的選擇

結婚前一天
我和家人到各處拿了禮服回家
約了姊妹五,六點來我家
向她們交代明天要用的物品
所有物資的位置
而她們主動要求每樣物資都清點一次
MARK好箱號
做做下成十點幾十一點都未肯停手 (晚飯都未吃)
反而我係叫佢地停手
一齊落街快手食d野就say goodbye
因為明天好早就集合了~

而大日子當日我完全不用煩濕碎事
我預先交付好哂姊妹
有空的時間
姊妹都好主動執野
等送客之後好快就可以走人

所以選對人真的很重要
如果是好朋友的
好多野你不用說佢地已經會替新娘子想好
甚麼事先都會由新人方面去唸

而我當然唔會虧待她們啦
除了姊妹利是, 開門利是 (例牌野啦~)
接新娘遊戲道具
大日子當日的雜費
全由我和老公賣單
兄弟姊妹當日都成個人替我們做野
唔通要又人地出錢咩
何況這些費用相比酒席條大數
濕濕碎啦~
我同老公都是有經濟基礎的人士
都搞得起婚禮
絕對唔會豪自己慳別人
而揾兄弟姊妹笨的

結婚當日時間過得太快
致詞的時候都忘記多謝當日幫手的各人
次日我就打電話給每一位姊妹
逐一多謝她們的幫忙
講講下大家在電話裡咽鳴起來

通常很多時聽人說
籌備婚禮好多時在姊姊方面會出現問題
幸好好選的姊妹全都VERY GOOD
表現全都出乎意料之外
真是好多謝大家~