今日的行程是搭火車去十分+平溪
所以唔花時間找間店子坐低食早餐

在酒店對面的7-11買早餐上火車食
我買的是烤芝士雞肉三文治+樽裝飲料一支
剛好是超值組合的指定款式TW $49 一SET
店員很熱心問我要唔要翻熱
仲幫我拎埋去叮TIM啊~
叮完之後仲燙手架

白麵包上灑滿烤到金黃的車打芝士
中間的餡料是有微溶的芝士夾埋雞肉連埋粟米
味道好過很多的咖啡室三文治呢~
香港價錢閒閒地就要HKD $2X啦
現在港幣十幾蚊就有埋野飲了
三文治真的很香
唸住上火車先食
不過忍唔到啦~邊行邊KO左佢~


行到台北車站大堂買火車票
(即是微風台北車站一樓,我們香港說的地下層,周邊有多間餅店的櫃位)
延伸閱讀--台北車站購物分享 2013年2月

睇旅遊書成日都冇講點樣買票搭火車
搞到我上兩次都唔敢搭,怕走失
今次有fd帶路啦~
佢以前都去過,等我今次做鴨仔
下次等我帶老公去
我們首先要搭火車到瑞芳再轉乘小火車才到十分
瑞芳因為是中途站
我們都唔知邊架車先會經過瑞芳 (火車時間表是唔會顯示出來的)
所以我地乖乖地排隊買飛 (票機得d本地人識用)
同佢講我地要去瑞芳,唔該最快開的列車啊~

櫃位職員效率迅速,好快買到車票啦~ NT $59@
睇車票對大堂列車資訊是找不到要乘的班次...
不過下月台先緊冇錯的...
入閘後我們出示車票問職員伯伯
佢就指我們下到某一月台

下到月台看電視的列車資訊
終於找到我們要乘的列車 (安心哂~)
不同的車種: 區間, 苢光, 自強
聽說是會有不同車速的分別
不過我們都不會懂的啦~

介紹埋早餐的飲料啦~
特地選樽裝,飲唔哂可以袋起佢
左) 友人的純濃燕麥
好似即沖麥皮咁,質地濃厚D
右) 我的真珠薏仁露
先頭都想選純濃燕麥架啦
點知比我見到有薏仁露
好似食用薏米會有美白效果架 (呵呵)
飲落又似糊狀的質地 (真飽肚XD)
點解香港就冇D咁健康的飲品架~
搞到我成日來台灣都去便利店喪買野飲

睇下台灣火車的路線圖
真係唔掛得我們唔識買票架 XD

搭火車都很輕鬆呢
好似郊野咁
因為車上有廁所
我唔洗怕會內急而百忍成金 XD
我好似大鄉里咁不停拍照

車票上有車箱號碼+座位編號
上左車就自行揾位啦~
另外可以買企位票 (圖左的人士)
當有空位的時候其實可以照坐在座位上 XD

可以調較高低的腳踏

見到有嬸嬸推住架車
唔通有零食/便當賣?
點知原來是收垃圾的推車...

唔洗怕唔識下車
因為會有廣播提示
當然唔識聽普通話人士除外啦 XD

和車票所列的時間一樣
車程46分鐘到達瑞芳

來到月台的補票櫃位
唔係要補票,而是買平溪線小火車的車票
為減少每次乘搭都要排隊買票的時間
我們買了一日劵 NT $52
而且我們又去兩個站呢~ (都應該抵銷到的)

未夠鐘上車我們就唔好蝕出去行下瑞芳老街
下月台時票務員會收下車票
如果要收藏車票的話同票務員講聲
佢就會在車票上蓋章
咁就可以拎走張票啦~

不過可能時候早啦
瑞芳老街都冇咩店舖開左
兩旁大多是食肆,我唸夜晚會好熱鬧

無聊又入便利店買飲品
比我見到有熱石烤蕃薯喎~
不過食唔落啦~


經隧道到站前售票處
出口望出去就會看到有巴士上九份/金瓜石等地方
箭咀示: 巴士站到九份

留意廣播/顯示屏到指定月台侯車

好懷舊的火車面貌
只有兩卡的小火車
車身彩繪了很多天燈呢~
內裡坐位不多
兩旁有大窗戶可以觀賞風景
好期待到十分放天燈呢!!
arrow
arrow
    全站熱搜

    eunice 發表在 痞客邦 留言(0) 人氣()

    E-mail轉寄