♥平民宅夫妻的生活日誌♥

2013-8-26

話說紅十字會來到我工作的大廈舉辦捐血活動
上年我因為體重太輕,所以捐唔到
今年大大話話增重左十磅
無理由唔得啦掛~

填好問卷就量體重
之後仲要吉手指量血紅素
乜有這個步驟架
有點驚TIM,唯有唔望住佢吉
手指陰陰痛之後包上紗布
等候見姑娘

偷聽到姑娘問同事洗唔洗打麻醉針
點知到我個陣淨係check下的份問卷填哂未+量體溫
之後就叫我出去等捐血
點解唔問下我洗唔洗打啊 (雖然我都唔需要)

捐血者使用的躺椅
大刺刺的放在其他工作台的中間
無遮無掩, 其他人隨便在旁邊走動
感覺好奇怪...
同事已經開始捐血了
工作人員安排我坐好
替我在大腿上蓋上氈子
就調底左張躺椅
我一下子手腳都發冷起來
量好血壓和脈搏
點知工作人員同我講
我個心跳得太快了
要稍後再量度多一次
先可以開始抽血

期間有個大廈管理員入內想拍照
嚇到我遮住塊面打側坐

同事血都抽好了
工作人員再和我度多次脈搏
點知仲係跳得好快
話我今日唔可以捐血了...

之後仲想給杯橙汁我飲呢...
不過我都唔好意思飲啦~
我已經吉埋手指都捐唔到啊 > < 可B...