♥平民宅夫妻的生活日誌♥

約了朋友吃午飯
再去逛街後上堂
星期六的旺角當然多人啦~
不知吃甚麼好
朗豪坊food court又多人
所以我們就上了最高
上至下咁找餐廳吃飯
行經鈴木珈琲館侍應問幾多位
我話兩位
即刻有位喎
咁快手快腳入去坐底好了~

入面是日式西餐廳的格局
舒適自然暖色系做裝潢

小動物剪影作點綴
二人餐價錢和散叫主菜轉套餐差不多
多了頭盤和甜品
但是餐飲只可以點特濃咖啡ESPRESSO(我都唔飲咖啡既)
選其他飲料要每杯加$28<太貴了
所以我們放棄叫二人餐
各自選自己喜歡的主菜再加錢轉套餐好了
餐湯/沙律我們選了要餐湯(之後見到鄰台的客人要了沙律,原來係是日沙律是芒果大蝦沙律,好正咁哦)

好喝的雜菜羅宋湯
飲完仲好開胃呢

主菜上台了
右) 友人的松露巴馬火腿溫泉蛋忌廉汁意粉
松露香吃下去不會搶其他食材的味道
弄破溫泉蛋後拌勻忌廉汁
整個意粉好滑溜的feel
左) 脆炸軟殼蟹伴煙肉蕃茄汁烏冬
軟殼蟹和意粉都熱辣辣
蕃茄汁偏酸
而蕃茄汁烏冬和頭先的羅宋湯撞左味
所以我吃得不多

點解要散叫主菜加錢轉套餐
原因還有餐飲可以任選 (四款特別咖啡除外)
友人點了香橙白朱古力咖啡
雖然得忌廉上面幾條橙皮絲
不過友人話飲落都好有橙香喎~

我點了情迷芒果趣冰
其實即係芒果沙冰啦~
一入口濃濃的芒果味
飲得出加了很多芒果肉打出來的
口感軟棉棉
少少碎冰的感覺都冇

吹下水慢慢食
之後我們就去左shopping lu~