♥平民宅夫妻的生活日誌♥

沙田新城市廣場的UCC Coffee Shop搬左位啊~
令到我記起都好耐冇去食啦
好想食個沙律哦~
放工即刻搭車去
點知都已經有人等緊位
有冇咁多人啊?
宜家六點半咋~
派票的侍應同我講吧台唔洗等位
可以即刻入坐
打電話問左老公坐吧台冇問題
我就入去坐住先lu
其實未搬舖之前
UCC的吧台都好好坐架
坐的是梳化椅
雲石台面好大
擺野食一D都唔迫
唔同出面D餐廳的吧台位
坐得唔舒服
仲會對著個水吧
可以睇住侍應煮咖啡
整夾餅呢~

搬左舖吧台位都一樣好坐
不過就變左係高腳梳化椅

未搬同裝修之前
裝飾風格係英式華麗餐廳
現在我覺得係英式鄉村FEEL

我同老公夾埋叫左一個餐
任何意粉/飯/薄餅加幾十塊錢就可以轉做餐啦~
會有餐湯+自助沙律+餐飲

其實主要係為左食沙律先食UCC
最開心的係可以任畢一次
睇下我盛左幾多
最低層我盛左小蕃茄+菠蘿+蜜桃+生菜
中層有:粟米粒+啫哩糖+吞拿魚+通粉沙律
最高我就緊係盛左我同老公都最鐘意食的薯仔沙律啦~
我畢左五大球
行反埋位個陣幾驚會倒塌

另外再問侍應拎小碟子
盛沙律醬
有三款:傳統白色的沙律醬/千島沙律醬/蒜味醋汁<我作的名
我盛左千島和蒜味醋汁<老公的最愛
其實都係以食得出的味道幫佢改名咋
老公鐘意佢夠香喎

可以睇到侍應煲咖啡/紅茶
好好玩咁哦~

主菜到了-芝士肉醬焗海鮮飯 $83
雖然係主菜
但是我地掛住食沙律
冇乜理到佢 > <

仲唸住有肉醬
個飯會野味D
都唔係既
得D顏色
食唔出有咩味
幸好海鮮們都好足料+好好吃~

因為有經驗食沙律都食飽人
所以先叫一個餐SHARE食
原先仲唸住最尾叫多個夾餅食
即叫即整真係好好吃架 > <
點知真係好飽食唔落叫唔到