close
來到英國有名的廚師 Jamie Oliver
其下的一間餐廳 Fifteen
此餐廳其實是Jamie 用來訓練一班時下失學失業的貧窮青年
等他們可以有一技之長
有機會接觸/進入餐飲行業
在香港出發前已經在網上訂好位
餐廳位於地鐵 Old Street 站附近
早左幾個字到達
還未開始營業
不過都招待左我們坐在梳化
給左杯冰水我們飲
又或者可以點些餐前小食/飲料
安排入座啦~
侍應首先簡單介紹餐牌菜色的份量
前菜/主菜的份量是一人份
而肉類菜式的份量就比較多可以for 2個人share食

我們選餐點都選左好耐
因為d食物的英文名平時都唔會常見
好彩去旅行前我dl 定個字典app在電話度咋

搞左一輪終於點餐了~

首先是來杯 homemade lemon & lime soda £3.6
嘩~未飲過一杯青檸梳打咁好飲的
甜和酸味配合得剛剛好 (侍應在下單時會詢問一下要偏甜/偏酸)
杯上的檸檬塊是裝飾用的 (唔洗再吉架啦~)
青檸梳打一上台就飲得
梳打氣泡入口即散發青檸的青新
飲完一啖會想繼續飲下去
好似上左癮咁...
飲到最尾杯梳打的味道都無被冰塊沖淡,正啊~
beef & barley bun & horseradish cream £4
牛肉包子配山葵忌廉
包子皮搽了層薄薄的蜜糖
很像我們飲茶時食的叉燒餐包
牛肉餡肉味香濃又唔會乾爭爭
灑上芝士碎
點埋山葵醬食~
又creamy 又有攻鼻的刺激感
crispy quail & mushroom ketchup £7
酥炸鵪鶉配蘑菇醬
超級脆的炸鵪鶉
灑上椒鹽,真係手指都想啜埋~
講真個醬真係食唔出有蘑菇味
好似我們中式的海鮮醬一樣....

braised lamb, turnips & new season garlic £24
燉煮羊肉配蘿蔔根及蒜頭
羊肉炆得好淋仲起哂骨
而軟骨部分亦炆到入口即溶
燉煮出來的湯汁味道濃郁
老公仲可以當湯飲呢~
墊底的蒜頭,蘿蔔和菜心都被肉汁煮到入哂味

唔知點解我們選的菜色
全都帶有中菜的影子...
結帳除了收取12.5% service charge 外
還會收取 £1 作為捐款
不過無人同我講點解會收同埋收嚟做咩...

可到以下網址訂位及參閱菜單
http://www.fifteen.net/
arrow
arrow
    全站熱搜

    eunice 發表在 痞客邦 留言(0) 人氣()

    E-mail轉寄