♥平民宅夫妻的生活日誌♥

話說我又寫緊上個月的POST時
延伸閱讀--北京烤鴨 ★ 霸王山莊
越寫越肚餓
仲好想食多次片皮鴨TIM
記起早幾日去酒樓打邊邊
見到有得叫特價片皮鴨
但是我們係JOIN任食的火鍋
冇理由咁蝕再叫多隻片皮鴨架嘛
所以就決定了
當晚就去酒樓吃晚飯了
兩位年輕夫妻去酒樓吃夜飯
好新鮮啊~
一坐底就問我地唸食咩好
冇理由淨係食片皮鴨架嘛~
我地叫多兩個小菜
就等開飯lu

肚餓得制
不停食碟小吃
好似係咸酸菜

係我地兩頭周圍望的時候
見到幾張台遠的地方片緊鴨哦~
唔知係咪我們個隻呢~

我們點的兩個餸
原來兩個都係煲上喎
左) 椰香芋頭金瓜煲
一上台未食已經陣陣椰香
芋頭同金瓜都煲到好軟(金瓜即係南瓜,老公特別鐘意食)
入口即溶
餸汁都煮到杰哂
唔洗叫白飯都食到好飽
右) 海味什菜煲
老公話當湯飲
熱辣辣好正
又有蔬菜食~
兩個餸都係老公愛吃
特登點比佢呢

頭先片的燒鴨
原來真係我們架
連埋一籠剛蒸起的麼麼
每人各一碟蔥白及中式甜醬點來食
請大家skip左個發霉的蒸籠
雖然個蒸籠又真係幾趕客既
不過蒸過野嚟
應該殺哂菌架啦~
燒鴨片完仲好熱
包係麼麼入面抹上甜醬
好好吃哦~
我仲食到成手鴨油...
$38一隻連12件麼麼爆抵

左上係我個飯盒
食唔哂的餸盛起左
聽日拎反工做lunch XD
最後仲有糖水送TIM啊
食到飽哂
要慢慢散步行反屋企先得~