♥平民宅夫妻的生活日誌♥

DAD又冇預先約定姑丈一家吃晚飯
搞到表姐們要周圍打電話去問邊度仲有位食飯
終於揾到一間啦
食正宗葡國菜
真正由外國人開架~
由姑丈的OFFICE出發
乘表姐夫的私家車到餐廳
都要半小時的車程
途中經過路氹公路
再向山路進發
一入到去係沙地的停車場
O~車位都FULL了
要泊係出面路邊
因為地點太遍僻的關係
唔會抄牌的啦XD

全場爆滿

而我們又好遲先book位
只有坐戶外露天的枱子

侍應好貼心
見我地一埋枱
餐牌都未翻開
就派左支蚊怕水比我們噴左先

食咩就由表姐們拍板

首先上左兩籃麵包先
唔好睇個表面好似好硬咁
入面好鬆軟架
好似白方包咁淋
抹上牛油就更加好吃
可惜唔係熱辣辣上台啦~
菜名係我自己改的
因為冇影到menu
同埋本menu實在太多菜色啦~

白酒香草煮蜆
(由於好多人虎視眈眈,我唔好意思打尖來拍照,只有盛到自己碟子上隨意拍張算了)
好好食哦~
d汁好像湯咁好飲
個個開頭都好客氣咁
係咁易筆幾隻上碟子
點知食左入口之後個個都讚不絕口
係咁起勢再添加
每個人起碼食左十幾隻蜆
一大盆蜆轉個頭就清哂啦~

葡國香腸配橄欖
小小的一碟
淨食都唔會太咸
大人們點了支紅酒來配著吃

馬介休球
點了三碟
一人一球唔洗爭

好燙口啊
入面d魚又綿又滑呢
睇下旁邊每個人出面都有一堆頭先的白酒蜆殼XD

芝士拼盆配梳打餅

有三款芝士不過我都唔識分別
淨食有點兒咸
配梳打餅食剛剛好

白汁煮蜆燴雞
一大盆白汁煮成的蜆+雞件
味道都不錯哦~
可能第一碟上台的白酒煮蜆個陣
大家都好肚餓
所以第二碟類似的東東上台
就較為失色啦~
埋單個陣先知
原來我地係冇叫到白汁煮蜆燴雞...
係嚟錯既野...

烤牛仔骨
熱辣辣又JUICE
有埋配菜薯條
正啊~一大班小朋友搶薯條食啊~

餐廳最出名的海鮮飯
大煲到呢
好似老火湯咁大煲
海鮮湯入口香濃,仲好杰架
材料都好足啊~
有海蜆,蝦,蟹,青口...
D蟹已經切件
蟹膏多到溶落D湯裡邊
飯粒吸收左海鮮湯的味道
唔會太硬,又唔會泡到淋哂,軟硬適中
我食唔停口呢~

仲食左兩碗TIM啊

1) 焗鴨飯 (表姐推介)
表面只得飯+葡國香腸
鴨肉全舖在飯下邊
這個焗飯偏乾身
烤盆邊的飯烤得很脆呢
2) 燒馬介休配薯仔
原條魚上的
不過要自行下橄欖油,黑胡椒再拌勻才吃的
所以已經不見魚型了

原條烤魚
連辣椒仔+一碗醬汁上枱
我唔識分別係咩魚
同埋個時我已經食得好飽
冇食到了

紅酒炆羊肉
又係冇食到
聽反佢地講羊肉炆得好淋
個汁好好下飯

葡式燒乳豬 (表姐強烈推介)
可惜今次做得失手左
個皮好硬哦~
表姐話佢上次食好正架
個皮又脆又唔油
失望...
最後我地打包左N碟餸
DAD,姑丈,姑姐,表姐們一向都好好胃口架
不過佢地的份量真係超大份
所以淨左好多
又唔捨得唔要喎
當然唔係我們拎反香港啦
係表姐們拎反去做明天的午餐
之後表姐夫車反我們去碼頭搭船反香港LU
辛苦哂~