close


今日的行程真是超充實
由瑞芳搭火車回台北
會途經松山車站 NT $47@
附近有饒河夜市+五分埔
特別是五分埔真是想去見識下
所以今日去左十分+平溪玩左成日 (累到爆)
點都順路去埋饒河夜市+五分埔

出左閘跟指示牌到饒河夜市+五分埔出口
夜媽媽好怕迷路
好彩一出望右面
離遠已經見到饒河夜市的排坊啦~



雙腳行左成日都好累了
見到就近的餐廳-三媽臭臭鍋就入去了
一鍋一爐在爐裡面節左一pat啫哩的東東點火
上面放上火鍋
唔好睇d燃料好似好少咁
都足夠滾起成鍋食材架啦~

左) 海鮮豆腐鍋 NT $100
唔係得d雪藏蟹柳架
有鮮蝦/魷魚....
配料有多樣蔬菜,豆卜
仲有豬紅,豬肉片,粉絲 (直情好似雜錦鍋咁...)
右) 藥膳鴨寶鍋 NT $100
唔好以為會將貨就價
鍋裡的材料非常多
鴨件舖滿鍋底
湯底帶有藥材味
入口成個人都暖哂
其他配料同豆腐鍋一樣
真係唔洗再食其他小吃了... (食完飽到想嘔)

價錢已包任飲檸檬茶/冬瓜茶
任畢白飯,醬料任撈

食飽飽開始行下饒河夜市
食的就真係食唔落
見到好多人在在露天地方食藥燉排骨
真係見到都出汗...


炸薯條熱狗
老公去韓國好鐘意食架

烤粟米
粟米搽上燒烤醬原條燒烤 (成條"唔唔"咁XD)

遂件購買的點心
D款式仲多靚過香港個D好多架

最後我提意買即開即切的芭樂(蕃石榴)來吃 (食生果去下油膩嘛)
很新鮮哦~又甜又多汁 NT $20@
仲灑上梅粉 (台灣人的食法)
味道真是同芭樂很match哦~


其實我還未行到饒河夜市的盡頭
不過時候都幾夜了
我們就打道會松山車站
今次就在車站出口轉左
過兩個街口到達五分埔
感覺很像香港的深水埗批發街
店內大多做批發生意
近門口的衣架就會有一排特價的衣物出售
我在第一間已經入手左一件冷衫啦~

不過只係掛在門口架子上的先係特價貨囉
仲唔係間間都有正野TIM (大多係唔洗錢送比我都唔要...)
而店裡面新貨價錢同我在香港買的差唔多
所以都冇激起我太多的購買慾


行行下會有小販伯伯叫賣食物
夜媽媽舖頭都仲有貨反
是由運輸哥哥騎電單車
再加一個載貨的配件的來送貨
有時行開d巷子真係不太闊
真係夠一架電單車行過
個時真係要小心佢地先得...

行無可行啦
腿都就斷啦~
我們終於肯反歸了
回松山車站搭一個站火車回台北車站

在饒河夜市盲中中找到一間小超市
買了支椒鹽粉回家 NT $49
老公大愛的椒鹽粉
台灣的炸物九成九都會下的
同香港的椒鹽唔同架~

是日入手的衣物
左) 饒河夜市小販攤入手的粉橙色LEGGINGS NT $150
好春天哦~
好彩岩著啫 (小販攤邊有得試喎)
右) 購自五分埔的粉紫冷衫 NT $100
我冇打錯價錢
真係唔怪得我忍唔到手既,呵呵呵~
可惜的是唔係咁多舖頭D貨色都咁靚囉~
唔係我一定買成炸衫反香港
arrow
arrow
    全站熱搜

    eunice 發表在 痞客邦 留言(0) 人氣()

    E-mail轉寄